Leið mig til þín

1. Ljúfasti lausnari, leið mig til þín,

fúslega’ að fylgi þér,

leið mig til þín.

Í nætursorta sjá,

sem ljós við árdags brá

lýsi þitt ljós mér hjá,

leið mig til þín.

2. Um lífsins dimman dal,

leið mig til þín,

lífs betra veit mér val,

leið mig til þín.

Ætíð lát anda þinn

uppörva huga minn.

Verndandi vörðurinn,

leið mig til þín.

3. Jafnt gegnum sorg og synd,

leið mig til þín,

tefji sjón táralind,

tak mig til þín.

Von þá mér víkur frá,

veröld mig svíkur þá

lýsi þitt ljós mig á,

leið mig til þín.

4. Dauða er dregur nær,

tak mig til þín,

hughreyst mig Herra kær,

tak mig til þín.

Veit þá af þinni náð

þolgæði’ og elsku ráð

uns himni hef ég náð,

tak mig til þín.