Cov Nkauj
Kuv Paub Yexus Tseem Muaj txoj Sia


53

Kuv Paub Yexus Tseem Muaj txoj Sia

Kaj siab lug

1. Kuv paub Yexus tseem muaj txoj sia.

Zaj no kom kuv muaj kev zoo siab!

Nws yog tus tuag uas sawv rov los.

Nws yog tus yeej muaj txoj sia nyob.

Nws yog tus uas yeej yuav hlub kuv.

Nws yog tus thov Vajtswv pab kuv.

Nws yog tus muab mov rau kuv noj.

Nws yog tus foom koob hmoov tag nrho.

2. Nws yog tus pub kuv muaj ntau heev.

Nws yog tus saib xyuas coj kuv kev.

Nws yog tus txhawb kuv lub dag zog.

Nws yog tus mloog kuv cov lus thov.

Nws yog tus ua tej kuv ntshai ploj

Nws yog tus muab kuv kua muag so.

Nws yog tus uas nplij kuv lub siab.

Nws yog tus muab kuv muaj nplua mias.

3. Nws yog kuv tus phooj ywg saum ntuj.

Nws yog tus hlub kuv tsis txawj tu.

Nws yog tus kom kuv seev suab hu.

Nws yog Yaj Saub, Pov Thawj, Vaj Ntxwv.

Nws yog tus uas cia kuv ua pa.

Nws yog tus kov yeej kev tuag tas.

Nws yog tus npaj chaw rau kuv nyob.

Nws yog tus saib xyuas coj kuv los.

4. Nws yog! Txhua leej qhuas nws lub npe!

Nws yog ib txhis, kuv tus Cawm Seej.

Zoo siab yog cov lus no hais tias:

“Kuv paub Yexus tseem muaj txoj sia!”

Nws yog! Txhua leej qhuas nws lub npe!

Nws yog ib txhis, kuv tus Cawm Seej.

Zoo siab yog cov lus no hais tias:

“Kuv paub Yexus tseem muaj txoj sia!”

Cov lus: Samuel Medley, 1738–1799

Suab nkauj: Lewis D. Edwards, 1858–1921

Job 19:25

Psalm 104:33–34