Nka Iban ye Eboho eke Elders
Ndikpep, Ndikpep-nto, ye Ndinam mme Etop otode Akwa Mbono

Di, Tiene Mi

Ndikpep, Ndikpep-nto, ye Ndinam mme Etop otode Akwa Mbono

Eboho mme Elders ye mme Relief Society enyene akpan nkpo ndinam ke utom erinyanga ukpong ye edimenere. Kini mmo ebohode ke Sunday, mmo eneme ebanga adanga nte edisinde mme ukpep nkpo otode etop eke obufa akwa mbono ke ukeme mmo ke utom emi. Mme ada ibuot ke Eboho mme Elders ye Relief Spociety emek etop mbono kiet man ekpep kini ke mbono Sunday kiet, otode se idide se mme mbon eboho eyomde ye ndausung otode Spirit Ke usuk ndaha, bishop mme stake president nko ekeme ndisio etop . Ke ofuri-ofuri, mme adausung ana emek etop eketode mbon First Presidency ye Eboho mme Apostle Duopeba. Nte ededi, ekeme ndikpeb etop ekededi otode mboho eke mmi-mmi emi.

Mme andikpep eting enyin ebanga adanga nte edisinde mme ukpep nkpo otode etop eke akwa mbono ke uwem mmo. Mme adausung ye andikpeb eyom mme usung man eno mbon Ufok Abasi udong ndikot mme etop ekesiode enim mbemiso eduk esop oro.

Ke oyomde ndifiok awak mbanga esop eke elders quorum ye Relief Society, se General Handbook: Ndinam utom ke Ufokabasi Jesus Christ eke mme Ndinen Owo eke Ukperedem Usen, 8.2.1.2, 9.2.1.2, ChurchofJesusChrist.org.

Ndinam-uduak man Ekpeb-nkpo

Mme mbume emi ekeme ndinwam mme andikpeb ke nte mmo eduakde ndida etop akwa mboho mkpeb nkpo. Nte eyomde, mme andikpep esobo ye mme adausung eke eboho mme elders mme Relief Society nte mmo ekerede ebanga mme mbume emi.

  • Nso ntak ke mme adausung ke esop mme elders mme Relief Society emekde etop emi nditing iko mbanga? Nso ke mmo ekere ke mme mbon esop oro eyefiok enyung enam ke ema eke eneme mme etop emi?

  • Nso ke eting-iko oyom mbon ufok-Abasi ediongo? Ewe ukpebnkpo gospel ke enye ekpeb abanga? Didie ke ukpeb oro enyene nkpo ndinam nno quorum elders mme Relief Society?

  • Ewe itie nwed Abasi ke eting-iko ada osongo etop esie? Nte odu itie nwed efen emi nnyin ikpekotde emi akpanamde ifiok mmo okori? (Mbufo emekeme ndikut ndusuk ke utit-nwed eke etop oro mme ke Guide eke nwedAbasi [scriptures.ChurchofJesusChrist.org].)

  • Ewe mbume ke ami mkpebup eke edinwamde mbon Ufok Abasi ndikere k’esit mbanga mme ukpep etop oro? Ewe mbume edinwam mmo ndikut ufon ukpep oro ke uwem mmo, ke uwem mbon ufokemana mmo, ye keutom Abasi?

  • Nso nkpo ke ami mkpenam man nda Spirit nsin ke esop nnyin? Nso ke ami mkpeda man nsongo nneme, ke esit edide mbuk, uwutnkpo, ikwo, ye utom-uso? Nso ke eting-iko ekenam ndinwam mbon ufokAbasi ndifiok etop esie?

  • Nte eting-iko ama enyene ikoot emi enye okonode? Didie ke ami mkpenwam mbon Ufok Abasi ndinyene udong man enam nkpo ke mme ikoot oro?

Ekikere Edinam

Odu ediwak usung andikpep ekemede ndinwam mbon Ufok Abasi ekpeb-nkpo eto enyung eda mme etop akwa mboho esin ke edinam Se esisit uwutnkpo mi; mme andikpep ekeme ndinyene ekikere efen emi edifonde ke eboho mme elders mme Relief Society.

  • Eda mme akpan-iko esin ke edinam ke uwem mbufo. Kot mbon ufokAbasi ndifiak nse etop eke mbono eyom mme akpaniko emi ekemede ndinwam mmo ndinam utom emi Abasi okonode mmo nte mme owo kiet kiet mme nte mbon eboho mme elders mme Relief Societry. Nte uwut nkpo, nso ke nnyin ikpep emi ekemede ndinwam nnyin nte mme anam utom Abasi? nte mme ete ye eka? nte mme okworo iko Abasi? Didie ke etop emi ekeme ndiwam mbufiok nnyin, ekikere, ye mme edinam?

  • Eneme ke eboho. Ebahare mbon Ufok Abasi esin ke mkpri eboho, ndien eno eboho kiet-kiet isio-isio ebiet eke akwa mboho emi edikotde enyung eneme ebanga. Ekem bup eboho kiet-kiet ete ebuana akpaniko kiet emi abangade mmo. Ndusuk afo emekeme ndinam mme eboho ye owo emi eke ekotde nsio-nsio ebiet onyung ayak mmo ebuana ye kiet eken se mmo ekekpebde.

  • Yom mme iboro kabanga mme mbume? Ekoot mbon Ufok Abasi ete eboro mbume ntem kabanga etop mboho: Ewe akpaniko gospelke mmo ekut ke etop emi? Didie ke nnyin idi-da mme akpaniko isin ke edinam? Ewe ikoot ye edidiong emi ekenwongoke ke ekeno? Nso ke etop emi ekpeb nnyin abanga utom emi Abasi oyomde ete nnyin inam? Nko nam esesit mbume eke idem fo emi ekemede ndino mme mbon UfokAbasi udong ndikere mfon-mfon mbanga etop mme ndinam mme akpan iko emi enye ekpepde. Yak mbon Ufok Abasi emek mbume kiet enyung eyom iboro ke etop oro.

  • Buana mme iko otode ke etop. Koot mbon Ufok Abasi ete ebuana mme iko i eketode etop mboho emi anwamde mmo ndinam mme ubiong-utom mmo ke utom erinyanga. Enam mmo ekere ebanga nte mmo ekpebuanade mme iko ibuot emi man enwam owo kiet, edide mbon ima mmo ye mme owo emi mmo enode unwam.

  • Ebuana nkpo-ndise ukpebnkpo kiet. Ke ndibak, ekot esisit mbon Ufok Abasi ete eda mme nkpo-ndise eto ufok edi emi mmo edidade ikpeb ibangaetop mboho. Ke esop oro, bup mbon Ufok Abasi ete enam-anwanga nte mme nkpo-ndise oro enyenede ebuana ye etop mme nte etop ebehede uwem mmo.

  • Ebenge ukpebnkpo kiet man ekpeb ke ufok. Edoho mbon Ufok Abasi enam-utom nte owo-mbiba man eduak ukpebnkpo home evening kiet nte asangade ye etop mboho. Mmo ekeme ndiboro mme oruk mbume ntem: Didie ke ikeme ndinam etop oro enyene-ufon ono ufokemena nnyin? Didie ke nnyin ikpebuana etop emi ye mbon-owo emi nnyin inwamde?

  • Ebuana ifiok-ukpeb. Etie otokiet ekot ediwak iko eketode ke etop mboho. Edoho mbon Ufok Abasi ebuana mme uwutnkpo eketode nwed Abasi ye eke uwem mmo emi owutde mme osongoke ikpo-ukpebnkpo emi ekpebde ke mme iko emi.

  • Yom udim-iko kiet. koot mbon Ufok Abasi ete edungode etop mboho ese mme udim-iko emi enyenede ufon ono mmo. Doho mmo ete ebuana udim-iko ye se mmo ekpebde eto mme udim-iko oro. Doho mmo ebuana ebanga nte mme ukpebnkpo emi anwamde mmo ndinam utom Abasi.

Abangade ediwak ifiok ke ndibo ukpep ye ndikpep nkpo nto mme etop akwa mboho, se “Mme Ifiok abangade ndibo ukpep ye ndikpep otode Akwa Mbono.” (Tuk ke “Ifiok Ukpep” ke “Akwa Mbono” ke Gospel Library.)