Padahngki, Kasukuhlki, oh Doadoahngki Padahk kan sang Kapokon Lap akan.

Peidek kan me mih pah kak sewese sounpadahk kan ni arail pahn kin kaunop en doadoahngki kaweid kan sang kapokon lap pwe ren padahngki. Ni anahn, sounpadahk kan kin alehdi kaweid sang elders quorum de Relief society president kan ni arail kin medemedewe peidek kan.

• Dahme karehda elders quorum de Relief Society president ko piladahki padahk wet kitail en padahki? Dahme irail kopworopworki towe kan en ese oh wia mwurin atail pahn ehukipene padahk wet>

• Dahme soun kaweido mwahuki sen wehwehki? Mehnia iren kaweid en rongamwahu me e padahngki? Ia mwomwen peidek pwukat ah dodohk ong ai elder quorum de Relief Society kan?

• Mehnia iren pwuhk sarawi me e doadoahngki pwehn sewese ah kaweid? Mie ekei iren pwuhk sarawi me kitail kak wadek me pahn kaloalehla atail wehwehki? (Kumwail kak diar ekei ni iren sawas kan en padahko de nan Topical Guide [scriptures.ChurchofJesusChrist.org].)

• Soangen peidek da me I kak idek me pahn sewese toweh kan en medewe mwahu iren kaweido? Soangen peidek da me pahn seweseirail en kilang katepen padahko nan arail mour, nan peneinei, oh nan Sapwellimen Kauno doadoahk?

• Dahme I kak wia pwehn wahdo Ngehno nan atail mihting kan? Dahme I kak doadoahngki pwehn kalaudehla koasoakoasoaipene, me iangahki soai, karasaras kan, koul, oh mahlen? Dahme sounpadahko wia pwe en sewese towe kan en wewehki ah padahko?

• Mie luhk me sounpadahko wia? Ia mwomwen ahi pahn kak sewese toweh kan en ahneki ineng en wia luhk wet?

Mie soangen ahl tohtoh me kak sewese toweh kan en esehla sang ni kaweid kan en kapokon lap. Iet ekei karasaras kan; mwein mie ekei iren kaweid torohr me pahn kak doadoahk nan amwail Pwihn en Ohl de Lih akan.

• Kihong mehlel nan atail mour kan. Luhkeiong towe kan en pwurehng tehk padahk en kapokon lap o rapahki mehlelo me kak sewese irail en kak pweida nan dodohk me Koht ketikiong irail nin duwen aramas emen de elders quorum de pil Relief Society men. Ni karasepe, dahme kitail kasukuhlki me pahn kak sewese kitail ni minister kei? duwen pahpa oh nohno kei? de towe me misineri kan? Ia mwomwen padahk wet ah dodohk nan atail madamadau kan, pepehm kan, oh mwekid kan?

• Koaskoasoaipene nan pwihn kan. Kihpeseng toweh kan nan ehu ehu pwihn, kihong irail ehu ire sang nan padahko pwe ren wadek oh koasoaiapene. Mwuri peidek ong ehu ehu pwihn irail en ehukida mehlel me irail diar oh ia mwomwen ah pahn kak dodohk ong irail. De ke kak wiahda pwihn ehu me wiawikihda towe kan me onopiki songesongen wasa kei en padahk o oh mweidohng irail en ehukiwei ong meteikan dahme irail diarada.

• Rapahki pasapeng kan ong peidek kan. Lukehiong toweh kan en sapeng peidek kan me duwehte me kileledi pah me pid kaweid kan en kapokon lap: Soangen rongamwahu pwung da me se diarada nan padahk wet? Ia mwomwen aht kak doadoahngki padahk pwung pwukat? Iahnge luhk oh inou en kapai kan me mie? Dahme padahk wet kaweidki me pid soangen doadoahk da me Koht kupwuriki kitail en wia? De pein wiahda amw peidek kei pwe en koangoangehki towe kan en medewe laud duwen padahk wet de dodohki mehlel kan me irail alehdier. Mweidohng towe kan en pein pilada ehu peidek kan oh diarada pasapeng kan nan padahko.

• Ehukiwei iren kaweid kan sang padahko. Lukehiong toweh kan en kasalehda soangen iren mahsen kesempwal kan sang nan padahk en kapokon lap me kaweidkin irail en kapwaiada arail pwukoa nan doadoahk en mour soutuk. Kakehlailihkin irail ia mwomwen arail pahn kak doadoahngki mahsen pwukat pwehn kapaiada emen emen, iangahki kempoakepahrail kan oh mehteikan me irail kin sewese.

• Doadoahngki dipwisou oh karasaraski nan amwail padahk. Mwohn padahk, lukehiong ekei toweh kan en wahdo ehu dipwisou me irail kak doadoahngki ong padahk en kapokon lapo. Nan tuhpene wet, idek rehn towe kan en kawehweda ia mwomwen dipwisou pwukat ah doadoahk ong padahko oh ia mwomwen ah pahn kak doadoahk ong nan atail mour kan.

• Kaunopada ehu padahk men kaskuhl ni imwamwail. Pekihda toweh kan en wad riemenda pwehn pilahnepene ehu padahk en soutik en peneinei me pahn pid padahk en kapokon lap. Irail kak sapengki peidek pwukat me duwe met: Ia mwomwen atail kak wiahda padahk wet en kesempwal ong atail peneinei kan? Ia mwomwen atail pahn kak ehukihong padahk wet ong irail akan me kitail kin papah?

• Kasalehda soangen irair kan me kumwail lelohng. Wadekpene ireh kan sang nan padahko. Pekihda rehn toweh kan en ehukihda karasaras sang nan pwuhk sarawi oh nan arail mour me pahn kak kawehwehda de kasalehda ire kesempwal oh pwung me ire pwukat kaskasukuhlki.

• Kilangada ehu lepin mahsen. Lukehiong toweh kan en rapahki nan padahko, irail en kilangada lepin mahsen kan me kesempwal ong irail. Pekihda rehrail en ehukipene lepin mahsen kan oh dahme irail koledihsang mahsen pwukat. Peidek rehrail en ehukiwei ia mwomwen padahko ah pahn kak sewese irail kanekehla sapwelimen Kauno doadoahk.

Ong ekei madamadau ong mwomwen amw pahn onopiki oh padahk sang kapokon lap kan, kilang “Ideas for Learning and Teaching from General Conference.” (Padik “Ideas for Study” pahnangin “General Conference” nan Liprehri en Rongamwahu.)