Moy, Mu Lekag

Michib, Fil, min Rrin’ ni wod Rogon ni bay ko fapi Mulwol ko General Conference

Pi elders quorum nge pi relief Societies e rib ga’fan ko fare muruwel ko thapegnag e gidii’ min n’uf nagrad ngalang ko falfalaen’. Nap’an e pi mu’ulung ko Madnom ney, yadra weliy rogon ni ngar tayed e pi michib ney ko mo’olung ko conference nge rogon ni ngar muruwel gad ngay ko biney e muruwel. Pi elder quorum nge Relief Society presidency e ra mel’eg e mulwol ko conference ni ngar filed gubin e mu’ulung ko Madnom, nib tu’uf ko chonggin nge kanawo’ nibe yib ko fare Kan ni Thothup. Boech ngiyal’, fare bisof fa state president era mel’eg e mulwol ko mo’olung. Baga’ ni, pi tiyogang’ e ma mel’eg fare mulwol nike yib ko Bin Somm’on e Presidency nge fare Ulung ko fare Ragag nge L’agruwi Apostle. Machane, demtrug e mulwol niba’ ko general conference ni kaffini m’ay e rani weliy.

Pi sensey e ngar lem niged rogon ni ngar ayuweged fapi chonggin ni ngar feled e pi milwol ko general conference ngalan e yafos rorad. Tiyogang’ nge sensey e ma gay e kanawo’ ni ngan pi’ e athamgil ngak e chonggin e galasia ni ngan fil e pi mulwol nikan mel’eg u m’on ko fare mo’olung.

Ko reb e nang fan mornga’agen ulung ko pi elder nge Relief Society mo’olung, mu guy ko General Handbook: Serving in The Church of Jesus Christ of Latter-day Saints, 8.2.1.2, 9.2.1.2, ChurchofJesusChrist.org.

Leam nag Rogon e Sensey

Pi duwer ni bayib e rayog ni nge ayuweg e sensey ko napan ni yaed be leam nag ni ngar muruwel gaed ko mulwol ko general conference ni ngan weliy. Napan nra t’uf, pi sensey e ra non ngak e pi elder quorum fa Relief Society presidency napan nibe lemnag e pi duwer ney.

Mangfan e pi elder quorum fa Relief Society presidency ni kar mel’egned e biney e mulwol ni ngan weliy? Mang e yad be athapeg fapi chonggin ni ngar nanged mi yad rrin’ u tomuren ni ngar weliyed e biney e mulwol?
Mang e ba adag e cha’an nibe non e pi chonggin nanged fan? Bin ngan ko fare gospel e be weliy mornga’agen? Urogon e pi kenggin nibe yip’ fan ko pi elder quorum rog fa Relief Society?
Mang e babyor nib thothoup nike weliy e cha’an nibe non nge weliy mornga’agen e mulwol rok’? Kuba’ boech e babyor e pi chonggin ni ngad bi’eged ni nge ga’ nag e gonop rodaed? (Sana rayog ni ngam pir’eg e thin ko tomur ko fare mulwol fa ulan fare Guide to the Scriptures [scriptures.ChurchofJesusChrist.org].)
Mang e fapi duwer raayog ni nggu fith ni nge ayuweg e chonggin e galasia nge leam nag nge tay fare michib ko fare mulwol? Mang duwer e rayog ni nge ayuweg raed ngar guyed fan ko pi mulwol ulan e yafos roraed, tabinaew roraed, nge lan e muruwel rok’ Somoel?
Urrogon ni nggu pinning e Ya’el ngalan e pi mo’olung rodad? Mang e rayog ni nggu muruwel ngay ni nge gel nag fan fare thin, nib mu’un e yaat ngay, leam, musik, fa art? Mang e ke rrin’ e cha’an nibe ayuweg e pi chonggin jni ngan nangfan e mulwol rok’?
Ke yoeg e cha’an nibe non ban’en ni ngan rrin’? Urogon ni rayog ni nggu ayuweg chonggin e galasia nge adag ni nge fol ko n’en ni yibe yoeg?

Gonop ko gosgos

Bukun e kanawo’ rok’ e pi sensey ni nge ayuweg chonggin e galasia nge fil nge tay e ban’en ko mulwol ko general conference. Ba’aray boech mornga’agen; pi sensey e rayog ni ba’ e gonop rom ni ra fal’ ulan e elder quorum rom fa Relief Society rom.

Fek e tin nib riyul’ ngalan e yafos rodad. Pinning e pi chonggin ni ngar bi’eg e mulwol ko conference ni ngar sapgad ko pi n’en nib riyul’ nra ayuwegrad ngar rrin’ed e muruwel rok’ Got ni ke pii’ ngak ni yigo’ ta’ bee’ fa ulan fapi elders quorum fa Relief Society. Woed rogon, mang e ningad fil’ed nra ayuwegdad ni ni gadad fapi ta pigpig? gadad e galibthir? gadad e pi missionary? Urogon e mulwol ney nibe ga’ nag e tafney rodad, thamtham rodad, nge ngongol rodad?
Weliy ulan e pi ulung. Fu’od nag e gidii’ ulan e pi ulungi nib achigchig, mag pi’ bang ko fare numon ko conference ni ngar bi’eged miyad weliy mornga’agen. Ma aram e ra bagyaed mag fith ni nge weliy e n’en nib riyul’ ni kar pir’eged nge rogon ni kar tayed e biney ngalan e yafos rorad. Fa rayog ni ngam fu’od nag e pi chonggin ulan pi ulungi nike fil mornga’agen mag yoeg ngoraed ngar filed ngoraed e n’en ni kar pir’eged.
Mu sap nag fapi fulweg ko fapi duwer. Mog ko gidii’ ni ngar fulweged e duwer e boed mornga’agen e mulwol ko conference: Mang tin nib riyul’ ko gospel e rayog ngad pir’eged u lane biney e mulwol? Urogon ni rayog ni ngad fol gaed ko pinn’ey nib riyul’? Mang e fapi mulwol nge fapi tawa’ath nikan micheg e kan pi’? Mang e be fil e re mulwol ney ngodaed ni mornga’agen e muruwel ni ba adag Got ni ngad rrin’ed. Fa sunumiy boech e pi duwer rom nima ayuweg e pi chonggin ni ngar lemniged marunga’agen e milwol fa tay e pi’nen nib riyul’ niba fil. Ma arame mag pag raed ngar mel’eged ta’areb e duwer ney mar pir’egned e fulweg riy u lan fare mulwol.
Pii’ e thin u ta’abang ko fare mulwol. Pining raed ni ngar weliyed e n’en nikan bi’eg ko mulwol ko conference nike ayuweg raed ni ngar rrin’ed e muruwel roraed ulan e wo’en e thap nge n’uf ngalang ko falfalaen’. Mpi’ e athamgil ngoraed ni ngeyag ni ngar weliyed e pi thin ney ni nge fal’eg wa’athan bee’, nib mu’un e pi’in nib tu’uf roraed nge pi’in ni yaed be guy.
Machib ni yibe murwel ko chugum. Umon e machib rom, fith ngak bochi gidii’ ni ngar feked ban’en u tabinaew ni ngeyag ni ngar muruwel gaed ngay ni ngan fil mornga’agen e mulwol ko conference. Napan e mo’olung, mfith raed ni ngar weliyed rogon nib sar fan e ran’em ko mulwol nge rogon fare mulwol ma tay fan ko yafos rorad.
Fal’eg rogon e n’en ni ngan fil ulan e tabinaew. Mfith chonggin e galasia ni ngan muruwel u ta’bang ni ngan ngongliy rogon e n’en ni ngan fil u tabinaew ni mornga’agen e mulwol ko conference. Rayog ni ngar fulweged fapi duwer ni wod rogon e biney: Urogon ni rayog ni nggu ted fare mulwol ngan rrin’ ulan e tabinaew rodaed? Urogon ni rayog ni ngad weliyed e re mulwol ney ko gidii’ ni gaed be non ngak?
Weliy e n’en nike buch. Bi’eg in e thin u ta’abang nike yib ko mulwol ko conference. Mfith raed ni ngad weliyed e kanawo’ nike yib ko babyor nib thothup nge yafas roraed nibe weliy mornga’agen e machib nikan weliy mornga’agen.
Pir’eg e thin. Pining bee’ ni nge gay e mulwol ko conference ni nge gay ba thin nib ga’fan ngoraed. Mfith raed ngar weliyed fare thin nge n’en ni kar filed riy. Fith ngorad urogon nike ayuweg daed e tiney ngan rrin’ e muruwel rok’ Somoel.

Ko reb e laem ko rogon ko biy’eg nge fil ko mulwol ko conference, mu guy ko“Ideas for Learning and Teaching from General Conference.’” (Yip’ “laem nifan ko fil” utangin “General conference” Ulan fare Gospel Library.)