“Liahona,” Ene. 2021.
Liahona
Nagtudlo Kanatong Tanan ngadto ni Jesukristo
Sa Basahon ni Mormon, atong mabasa nga ang Ginoo miandam sa Liahona aron sa pagtabang ni Lehi ug sa iyang pamilya nga mouswag sa ilang panaw. Kadto mao ang usa ka “kompas, diin motudlo ngadto kanila og usa ka tul-id nga agianan paingon sa yuta sa saad” (Alma 37:44). Ubos sa direksiyon sa buhing mga propeta, ang Liahona nga magasin sa atong panahon usa ka giya nga mag-uban kanato sa atong pagpanaw ug motudlo sa agianan ngadto kang Jesukristo, bisan sa tungatunga sa bagyo.
Usa ka Bag-ong Liahona
Ang Liahona nga magasin alang sa mga hamtong nag-highlight sa mga panudlo ug pangalagad sa mga lider sa Simbahan, mopakigbahin og makapadasig nga mga artikulo nga nagpakita kon giunsa pagsunod ang mga baroganan sa ebanghelyo, nagsuporta sa pagkat-on sa ebanghelyo nga nakasentro sa panimalay, ug nagsangkap og mga panabot ngadto sa mga hilisgotan sa Dali, Sunod Kanako.
Paggiya gikan sa Buhing mga Propeta
Ang matag isyu nag-feature og bag-o, orihinal nga artikulo nga giandam sa usa ka sakop sa Unang Kapangulohan o sa Korum sa Napulog Duha ka Apostoles. Basaha unsa ang gitudlo sa mga propeta ug apostoles karon.
Importanteng mga Mananambong
Ang Liahona nagsangkap og makapadasig nga materyal sa ebanghelyo alang sa tanang hamtong nga mga miyembro, lakip ang hilisgotan alang sa mga single adult, mga young adult, bag-ong mga miyembro, edaran nga mga miyembro, ug mga ginikanan. Alang sa mga young adult, ang Liahona nagmantala usab og pipila ka mga artikulo nga makita sa YA Matag Semana, usa ka digital lamang nga magasin alang sa mga young adult.
Tibuok Kalibotan nga Pagkab-ot
Ang Liahona naningkamot sa pagpanalangin sa mga miyembro sa tibuok kalibotan. Ang magasin gimantala sa 23 ka pinulongan matag bulan sa digital ug giimprinta nga mga format ug agig dugang sa 25 ka pinulongan matag duha ka bulan sa digital lamang ug giimprinta nga mga format. Pinili nga mahinungdanon nga mga mensahe anaa sa digital lamang nga paagi aron maapud-apod sa lokal nga paagi sa gidugang nga 39 ka pinulongaan. Kini naghimo sa hilisgotan sa Liahona nga anaa sa mga miyembro sa 87 ka pinulongan matag bulan.
Dugang nga Digital nga mga Artikulo
Nasayod ba kamo nga ang Liahona nagmantala og dugang nga hilisgotan kay sa unsay inyong makit-an sa giimprinta nga magasin? Kining digital nga mga pakapin mahimong makita diha sa liahona.ChurchofJesusChrist.org o sa Liahona diha sa Gospel Library app.
Mga Artikulo sa Piho nga Dapit
Ang tibuok Liahona gihubad ngadto sa 48 ka pinulongan. Hapit ang matag isyu naglakip og hilisgotan nga gihimo sa lokal nga mga komite sa mga empleyado o gitawag nga mga bolunter. Kining lokal nga hilisgotan naglakip og mga mensahe gikan sa mga sakop sa Kapangulohan sa Area, mga artikulo sa lokal nga mga panghitabo, mga sugilanon ug mga pagpamatuod gikan sa lokal nga mga miyembro, ug dugang pa. Alang sa kasagarang mga lugar, kini nga hilisgotan anaa sa digital nga Liahona matag bulan diha sa Gospel Library.
Ipadala ngari Kanamo ang Inyong Sugilanon
Ang Liahona gusto nga makadungog gikan kaninyo. Mahimo kamong modasig sa mga miyembro sa tibuok kalibotan samtang inyong ipakigbahin ang inyong mga kasinatian sa pagpuyo sa ebanghelyo. Isumiter ang inyong mga artikulo, mga ideya, ug feedback ngadto sa Liahona online.
Pag-subscribe na Karon
Alang sa dugang nga impormasyon sa pag-subscribe sa Liahona, bisitaha ang online store ug pilia ang gitinguha nga pinulongan. Ang lokal nga mga pahina alang sa piho nga mga area otomatik nga malakip base sa inyong lokasiyon.
Pahinumdom: Mahimong mokabat og tulo ka bulan alang sa mga subskiripsiyon nga moabot.