“Riaona,” Tianuare. 2021.
Riaona
Kairiira Ngaira ni Kabane Nakon Iesu Kristo
N ana Boki Moomon, ti wareka aron te Uea n katauraoa te Riaona bwa buokan Riaai ma ana utu n aia tai n boorau. Bwa bon te “kambwati, are e na kotea nakoia te kawai ae eti nakon te aba ni berita” (Aramwa 37:44). Iaan aia kaetieti burabeti aika maiu, te Riaona maekatiin n ara bong bon te bwai ni kairi are e na iririira n ara boborau nako ao ni kotea te kawai nakon Iesu Kristo, e ngae ngkana ti mena ibuakon angibuaka.
E Boou te Riaona
Te Riaona maekatiin ibukiia ikawai e kaotii aia reirei ma aia mwakuri taan kairiiri n te Ekaretia, e tibwauai karaki aika kaunganano are a kaota aron maiuakinan moan tuua n te euangkerio, boutoka te mwenga ae boboto iaon reiakinan te euangkerio, ao man karekea te atatai iaon Nakomai, Iriirai ma kanoana.
Kairiiri mairouia Burabeti aika Maiu
Ni katooa te maekatiin ao iai te bwai ae boou n raka, te rongorongo ae katauraoaki mairouia kaain te Moan Beretitentii ke te Kooram n Abotoro n te Tengaun ma Uoman. Warekia bwa tera aia reirei burabeti ao abotoro n te bong aio.
Ibukiia
Te Riaona e katauraoi bwain te euangkerio aika kaunganano ibukiia membwa aika ikawai ni kabane, n ikotaki ma kanoana ibukiia ikawai aika tuai n iein, kairake ni ikawai, membwa aika boou, membwa ake a maan ao kaaro. Ibukiia kairake n ikawai, te Riaona e booreti rongorongo aika kuneaki n te YA ni Katoa Wiiki, te maekatiin iaon te intanete ibukiia kairake n ikawai.
Baina ni Kabutaa te Aonaaba
Te Rao e kekeiaki n kakabwaiaia membwa ni kabutaa te aonaaba. Te maekatiin aei e booretiaki nakon 23 te taetae ni katoa namwakaina iaon te intanete ao n te beebwa ao ni booretiaki nakon 25 riki te taetae ni katoa tao namwakaina iaon te intanete ao n te beebwa naba. Oin rongorongo aika a rineaki a katauraoaki iaon te intanete bwa a na kabutaki iaon te tabo inanon 39 riki te taetae. E tauraoi te Riaona ma kanoana nakoia membwa inanon 87 te taetae ni katoa namwakaina.
Karaki riki tabeua iaon te intanete
Ko ataia ae te Riaona e booreti kanoana aika mwaiti riki nakon are ko kona n noria iaon te maekatiin are boretiiaki? A kona n reke taian raka n kaobi iaon te intanete n liahona.ChurchofJesusChrist.org ke n te Riaona n te Gospel Library app.
Rongorongo aika Kaineti nakon te Aono
Bwaninin te Riaona e rairaki nakon 48 te taetae. E kaniia nikabane kaobina are e booretiaki e kakanoa ni bwaai aika katauraoaki iroun te komete n tia mwakuri n te tabo ke taan anga nano n ibuobuoki. Kanoana ibukin te tabo aio e kakanoa n rongorongo mai irouia membwa n te Beretitentii n te Aono, rongorongo iaon bwaai aika riki n te tabo anne, karaki ao kakoaua mai irouia membwa n te tabo anne ao a mwaiti riki. N taabo aika mwaiti, te mwakoro aio e tauraoi iaon te intanete Riaona ni katoa namwakaina n ana Raiburari te Euangkerio.
Kanakomai Am Karaki Nakoira
Te Riaona e tangiria n ongo mai iroum. Ko kona n kaungai nanoia membwa ni kabutaa te aonaaba ngkana ko tibwaua am taneiai ni maiuakinan te euangkerio. Karinii karaki, iango, ao katamaroa nakon te Riaona onraain.
Kabwakamwane ibukin Karekeana Ngkai
Ibukin rongorongon te kabwakamwane ibukin karekean te Riaona, kawara te aonline store ao rinea te taetae are ko tangiria. Iteraniba ake a kaineti ma te Aono ana kaoti iroum ni kaineti ma am tabo are ko mena iai.
Te bwai ae e na taraaki: E kona n anaa ae nakon teniua te namwakaina ibukin am kabwakamwane ibukin karekeana bwa e na mwakuri.