“ ‘Ēpalahame mo ʻAisake,” Ngaahi Talanoa ʻo e Fuakava Motuʻá (2022)
“ ʻĒpalahame mo ʻAisake,” Ngaahi Talanoa ʻo e Fuakava Motuʻá
Sēnesi 17; 21–22
ʻĒpalahame mo ʻAisake
Ko ha tamai, foha, mo ha feilaulau
Naʻe ʻi ai ha pēpē tangata ʻa ‘Ēpalahame mo Sela, ʻo hangē pē ko e talaʻofa ange ʻe he ‘Eikí. Na‘á na fakahingoa ia ko ʻAisake.
Naʻá na ʻofa ʻia ʻAisake. Na‘á na akoʻi ia ke ne fili ki he totonú pea mo falala ki he ‘Eikí.
Na‘e talaʻofa ‘e he ʻEikí kia ‘Ēpalahame mo Sela ‘e tokolahi hona fāmilí ʻo fakafou ʻia ʻAisake, ke tāpuekina ai ʻa e māmaní kotoa. Ka ‘i ha ʻaho ‘e taha naʻe folofola ‘a e ʻEikí kia ‘Ēpalahame ke ʻave ‘a ʻAisake ki he Mo‘unga ko Mōliá pea ʻoatu ʻa ‘Aisake ko ha feilaulau.
ʻI heʻena fononga atu ki he moʻungá, naʻe ʻeke ange ʻe ʻAisake pe ko e fē ʻa e lami ki he fielaulaú. Na‘e tala ange ʻe ‘Ēpalahame ʻe ‘omi ia ʻe he ‘Eikí.
ʻI he moʻunga ko Mōliá, naʻe langa ʻe ʻĒpalahame ha ʻesi feilaulau pea tuku ki ai ʻa e fefie.
Naʻe kole ange ʻe ʻĒpalahame kia ʻAisake ke tokoto hifo ʻi he funga ʻesi feilaulaú, ʻo hangē ko e fekau ‘a e ʻEikí. Na‘e falala ʻa ‘Aisake kia ‘Ēpalahame ʻo hangē pē ko e falala ʻa e Fakamoʻui ko Sīsū Kalaisí ki He‘ene Tamaí.
ʻI he taimi naʻe kamata ke feilaulauʻi ai ‘e ʻĒpalahame ʻa ‘Aisaké, naʻe ta‘ofi ia ʻe ha ‘āngelo ʻa e ‘Eikí. Na‘e fakahaaʻi ‘e ʻĒpalahame ‘a ʻene tui ki he ‘Eikí. Na‘e ʻilo ‘e ʻĒpalahame te ne muimui ma‘u pē ki he ʻEikí.
Na‘e hanga hake ʻa ‘Ēpalahame peá ne sio ki ha sipi tangata naʻe ‘efihia ʻi he vaó. Na‘e ʻomi ‘e he ʻEikí ‘a e lami ki he feilaulaú.
Naʻe ako ʻe ʻĒpalahame mo ʻAisake kau ki he founga ʻe foaki ai ʻe he Tamai Hēvaní ʻa Hono ʻAlo ko Sīsū Kalaisí ko ha feilaulaú. Na‘e falala ʻa e ʻEiki ko Sīsū Kalaisí kia ʻĒpalahame koe‘uhí naʻá ne talangofua. Na‘e falala ʻa ‘Ēpalahame ki he palōmesi ‘a e ʻEikí ʻa ia ʻe ʻi ai ha ‘aho ʻe tokolahi ange hono hakó ʻi he ngaahi fetuʻu ʻo e langí.