Tusitaulima ma Valaauga
Punaoa mo le Auaunaga

“Punaoa mo le Auaunaga faatasi ma Korama a le Au Perisitua Mekisateko ma Aualofa ua Faamalosia”

“Punaoa mo le Auaunaga”

Punaoa mo le Auaunaga faatasi ma Korama a le Au Perisitua Mekisateko ma Aualofa ua Faamalosia

O nei punaoa e fesoasoani i taitai ao latou saunia e tuuina atu se faatonuga ma ao latou taitaia talanoaga i aufono a le eria, aufono faamaopoopo, konafesi a siteki, aufono a le siteki, aufono a le uarota, ma lesona o le Aso Sa.

O Fautuaga mo le Faaaogaina o Nei Punaoa

I le fonotaga a le aufono, e mafai e taitai ona amatalia le talanoaga o suiga na faasilasila atu i le konafesi aoao ia Aperila 2018 e ala i le faitauina o le vaega o le faatomuaga o pepa na auina atu faatasi o loo aofia ai i le tusi a le Au Peresitene Sili i le aso 2 Aperila, 2018, “Auaunaga faatasi ma Korama a le Au Perisitua Mekisateko ma Aualofa ua Faamalosia” (tagai i le ministering.ChurchofJesusChrist.org).

E mafai foi e sui o le aufono ona maimoaina ma talanoaina le vitio O Se Vaaiga Mamao o le Auaunaga (tagai i “Vitio” o i lalo). Ua sauniaina isi vitio faaopoopo ma isi punaoa e faaleleia ai lenei talanoaga ma e mafai ona faaaogaina i fonotaga a le aufono i le lumanai po o isi faatulagaga. O vaega taitasi i le vitio Effective Ministering (Auaunaga Mataalia) e sosoo ma se fesili lea e mafai e le vaega ona talanoaina.

Vitio

O nei vitio o loo aofia ai kilipi mai le konafesi aoao ia Aperila 2018 ma mai fonotaga faaleautaitai i le konafesi aoao faatasi ma le Au Pulega Aoao, Fitugafulu Eria, ma Taitai Aoao.

O Se Vaaiga Mamao o le Auaunaga (4:41)

Auaunaga Mataalia (15:01) o loo i ai vaega nei:

  1. “Aisea Tatou Te Auauna Atu Ai” (2:43). Fesili: Aisea tatou te auauna atu ai?

  2. “Faigofie, Faapatinoina, ma Taitaia e le Agaga” (2:20). Fesili: E mafai faapefea ona tatou faatumauina le faigofie o a tatou taumafaiga ma taitaia e le Agaga?

  3. “Vaaiga Aoao i Faatalanoaga o Auaunaga” (3:53). Fesili: E mafai faapefea e faatalanoaga o auaunaga mataalia ona faamanuiaina ai tagata taitoatasi ma aiga?

  4. “Taumafaiga Faamaopoopo e Tasi” (2:49). Fesili: E mafai faapefea e le taumafaiga faamaopoopo e tasi ona fesoasoani ia i tatou e tausia fanau uma a le Atua?

  5. “Valaaulia e Faatino” (3:24). Fesili: E mafai faapefea ona tatou faatino i le mea silisili le vaaiga mamao o le auaunaga ua tuuina mai e le Au Peresitene Sili ma le Korama a Aposetolo e Toasefululua?

Faatalanoaga o Auaunaga (19:18)

Mau Faasino

Mataio 10:39; 22:37–39; Luka 22:32; Ioane 10:11; 13:34; 21:15–16; Kalatia 5:13; Mosaea 23:18; Mataupu Faavae ma Feagaiga 20:51–53

Punaoa Faaopoopo

  • O lomiga o mekasini ia Me 2018 o le Liahona ma le Ensign ma le comefollowme.ChurchofJesusChrist.org ua tuuina atu ai ni punaoa lea e mafai ona faaaogaina i talanoaga i Aso Sa lona fa e uiga i le auaunaga i sauniga a le korama a toeaina ma le Aualofa.

  • O faamatalaga faaopoopo, ua faaulutalaina “O Mataupu Faavae o le Auaunaga,” o le a i ai i lomiga o le a oo mai o le Liahona ma le Ensign.