“Gaoioiga mo le Autalavou e ala i Polokalama Uepi Feaveai ma Faatasiga Faatekinolosi,” Taiala o Gaoioiga Faatekinolosi mo le Autalavou (2020)

“Gaoioiga mo le Autalavou e ala i Polokalama Uepi Feaveai ma Faatasiga Faatekinolosi,” Taiala o Gaoioiga Faatekinolosi mo le Autalavou

Ata

tina ma le tama teine o loo tilotilo i le komepiuta

Gaoioiga mo le Autalavou e ala i Polokalama Uepi Feaveai ma Faatasiga Faatekinolosi

E mafai e le vasega a le autalavou, korama ma taitai matutua ona faaaogaina le pepa o faamatalaga lenei mo le fesoasoani i le fuafuaina o auaunaga a le autalavou e lagolagoina e le Ekalesia faapea foi aso masani o le vaiaso ma isi gaoioiga o vaega toatele. E mafai foi ona maua punaoa mo le lagolagoina o le atinaega o le tagata lava ia e ala i tekinolosi.

Mataupu Faavae

O gaoioiga e tatau ona fuafuaina ma faatinoina e taitai o korama ma vasega, faatasi ai ma le lagolagosua mai taitai matutua. O gaoioiga e tatau ona:

Taulai atu i le ausia o manaoga a le tagata lava ia, o aiga ma le lotoifale.
Faaaoga tekinolosi o loo maua i la outou eria.
Mafaufau i le autalavou atonu e le mafai ona maua le tekinolosi.
Mulimuli i mataupu faavae ma faatinoga sili o loo maua i le “Service and Activity Guidelines for Youth.”
Mulimuli i isi aiaiga faavae ma faatinoga sili uma o le saogalemu a le Ekalesia (tagai i le safety.ChurchofJesusChrist.org).

Faatinoga mo le Saogalemu

O faatinoga sili nei e ono fetuunaia i tulaga i le lotoifale, i lalo o le taitaiga a taitai o le lotoifale.

Fefautuaai faatasi ma saili faaaliga mo le fetuunaiina o gaoioiga ina ia mafai ona latou faia faatekinolosi. E masani lava ona i ai i le autalavou ni tali.
Mulimuli i faatinoga o le saogalemu i le initoneti.
- Faaaoga kamupani iloga ma saite malupuipuia.
- Aloese mai le faasoa atu o faamatalaga patino i le initoneti—a isi ma oe lava.
- Aloese mai le faasoa atu o ata o isi e aunoa ma lo latou faatagana.
- Aloese mai le tatalaina o mea e faapipii atu mai punavai e le mailoa.
- ‘Aua nei auina atu ni tupe po o faamatalaga o teugatupe.
- Mulimuli i tulaga faatonuina o le Ekalesia i anomea e tuu i luga.
- Ia mautinoa e auai taitai i gaoioiga uma e faatekinolosi.
- Ia nofouta matua i gaoioiga ina ia mafai ona nafa i latou ma le saogalemu o o latou autalavou i le initoneti.
Fuafua faatasi ma fegalegaleaiga faatekinolosi i le mafaufau. E lē o gaoioiga uma faafesagai o le a manuia i se siosiomaga faatekinolosi. E tatau i le autalavou ma taitai matutua ona mafaufau i gaoioiga e faataga ai le faasoaina o taumafaiga a tagata taitoatasi po o le aumaia faatasi i le initoneti.