Ol Bilip
bilong Sios bilong Jisas Krais bilong ol Seint long Las de

1 Mipela i bilip long God, Papa bilong Oltaim Oltaim, na long Pikinini bilong Em, Jisas Krais, na long Holi Spirit.

2 Mipela i bilip olsem ol man bai kisim pen long pasin nogut bilong ol yet, na i no long pasin nogut bilong Adam.

3 Mipela i bilip olsem long pen bilong Krais, olgeta manmeri bai stap gut, sapos oli bihainim ol lo na ol odinens bilong Gutnius.

4 Mipela i bilip olsem ol namba wan toktok na ol odinens bilong Gutnius em i: namba wan, Bilip lo Jisas Krais; namba tu, Tanim bel; namba tri, Kisim baptais em long go aninit tru long wara long rausim ol pasin nogut; namba po, Putim han long het long kisim Holi Spirit.

5 Mipela i bilip olsem God i mas singautim wanpela man long tok profet, na husat man igat atoriti long putim han antap long het, long telimautim Gutnius na wokim ol odinens.

6 Mipela i bilip long wankain wok i bin kapam long olpela Sios, olsem, ol aposel, ol profet, ol pasto, ol tisa, ol ivanjelis, na olsem.

7 Mipela i bilip long presen bilong ol kain kain tokples, tok profet, telimautim, driman, mekim oraitim sik, tanim tokples, na olsem.

8 Mipela i bilip olsem Baibel em i tok bilong God sapos olgeta hap ol i bin tanim gut; mipela i bilip tu olsem Buk bilong Momon em i tok bilong God.

9 Mipela i bilip long olgeta samting God i soim pinis, olgeta samting Em i wok long soim nau, na mipela i bilip olsem Em bai soim yet planti bikpela samting long Kingdom bilong God.

10 Mipela i bilip long bung wantaim gen bilong Isrel na kamapim gen bilong Tenpela Lain Famili; na Saion (Nupela Jerusalem) bai kamap long Amerika; Krais yet bai stap bikman long graun; na, graun bai kamap nupela gen na kisim glori bilong paradais.

11 Mipela i bilip mipela i gat rait long lotuim bikpela God long we na tingting bilong mipela yet, na larim ol arapela man long lotu long wanem wei, long wanem hap, o wanem ol i laik.

12 Mipela i bilip long stap aninit long ol king, ol presiden, ol bosman, na ol loman, long bihainim, rispektim, na sapotim lo.

13 Mipela i bilip long toktok stret, stap tru, klin, gutpela, na mekim gutpela pasin long olgeta manmeri; olsem mipela i tok mipela i bihainim skul bilong Pol—Mipela i bilip long olgeta samting, mipela i wetim olgeta samting, mipela i daunim pinis planti samting, na ting mipela inap long daunim olgeta samting. Sapos i gat samting i stap klin, nais tru, o i gat gutnem o i gutpela tru, mipela i wok long painim ol dispela samting.