1 Mo i bin hapen se enjel i talem long mi: “Lukluk, mo luk laen blong yu, mo tu, laen blong ol brata blong yu.” Mo mi lukluk mo luk ^agraon blong promes; mo mi luk ol grup blong ol pipol, yes, hem i olsem se namba blong hem i semmak olsem namba blong ol sanbij blong solwota.

2 Mo i bin hapen se mi luk ol grup blong ol pipol we oli kam tugeta blong faet, wan agensem narawan; mo mi luk ol ^awo, mo ol toktok abaot ol wo, mo ol bigfala namba blong ol dedman we we naef blong faet i kilimded olgeta long medel blong ol pipol blong mi.

3 Mo i bin hapen se mi luk plante jeneresen oli pasawe, folem fasin blong ol wo mo ol rao long graon; mo mi luk plante bigtaon, yes, mekem se mi no kaontem olgeta.

4 Mo i bin hapen se mi luk wan ^aklaod blong ^btudak long fes blong graon blong promes; mo mi luk ol laetning, mo mi harem ol tanda, mo ol graon oli seksek, mo evri kaen blong ol bigfala noes; mo mi luk graon mo ol ston, we oli brok; mo mi luk ol bigfala hil oli foldaon long pisis; mo mi luk ol level ples blong graon, we oli brokbrok; mo mi luk plante bigtaon we oli ^ddraon; mo mi luk plante we i bon long faea; mo mi luk plante we i foldaon long graon, from seksek blong graon ia.

5 Mo i bin hapen se afta we mi luk ol samting ia, mi luk ^ahot smok blong tudak, we i lus long fes blong wol; mo luk, mi luk ol grup blong ol pipol we oli no foldaon from ol bigfala mo ol strong jajmen blong Lod.

6 Mo mi luk ol heven oli open, mo ^aSmol Sipsip blong God i stap kamdaon, aot long heven; mo hem i kamdaon mo i soemaot hemwan long olgeta.

7 Mo tu, mi luk mo stap talemaot se Tabu Spirit i kamdaon long ^atwelef narafala man; mo God i odenem olgeta, mo i jusum olgeta.

8 Mo enjel i toktok long mi, i talem se: “Luk olgeta twelef disaepol blong Smol Sipsip, we God i jusum olgeta blong givhan long laen blong yu.”

9 Mo hem i talem long mi: “?Yu tingbaot olgeta ^atwelef aposol blong Smol Sipsip? Luk, oli olgeta we bambae oli ^bjajem ol twelef laen blong Isrel; taswe, ol twelef minista blong laen blong yu bae oli kasem jajmen long olgeta; from yufala i pat blong laen blong Isrel.

10 Mo olgeta ^atwelef disaepol ia we yu stap luk, bae oli jajem laen blong yu. Mo, luk, oli stret mo gud blong oltaem; from se, from fet blong olgeta long Smol Sipsip blong God, ^bol klos blong olgeta oli kam waet tru long blad blong hem.”

11 Mo enjel i talem long mi se: “!Luk!” Mo mi bin lukluk, mo bin luk ^atri jeneresen oli pasawe long stret mo gud fasin; mo ol klos blong olgeta i waet olsem hemia blong Smol Sipsip blong God. Mo enjel i talem long mi: “Olgeta ia, oli kam waet long blad blong Smol Sipsip, from fet blong olgeta long hem.”

12 Mo mi, Nifae, mi luk tu, plante blong ^anambafo jeneresen we oli bin pasawe long stret mo gud fasin.

13 Mo i bin hapen se mi luk ol grup blong ol pipol blong wol oli kam tugeta.

14 Mo enjel i talem long mi: “Luk laen blong yu, mo tu, laen blong brata blong yu.”

15 Mo i bin hapen se mi lukluk mo mi luk ol pipol blong laen blong mi oli kam tugeta long ol grup blong pipol ^aagensem laen blong ol brata blong mi; mo oli kam tugeta blong faet.

16 Mo enjel i toktok long mi, i talem se: “Luk springwota blong ^awota we i doti we papa blong yu i luk; yes, hem i ^breva we hem i bin tokbaot; mo ol dip ples blong hem oli ol dip ples blong ^dhel.

17 Mo ol ^aklaod blong tudak, oli ol temtesen blong devel, we i ^bblaenem ol ae, mo i mekem hat blong ol pikinini blong ol man i kam strong, mo i lidim olgeta oli gowe, i go long ol ^drod we oli bigwan, blong mekem se oli ded mo oli lus.

18 Mo bigfala ^ahaos ia we i gat fulap spes, we papa blong yu i bin luk, i ol ^bflas tingting, mo ^dhae tingting blong ol pikinini blong ol man. Mo wan bigfala mo wan rabis ^ehol i seperetem olgeta; yes, hem i toktok blong ^fjastis blong God we I No Save Finis, mo Mesaea we i Smol Sipsip blong God, we Tabu Spirit i tokbaot hem, stat long taem we wol i bin stat kasem taem naoia, mo stat long taem naoia i go mo blong oltaem.”

19 Mo taem we enjel i stap talemaot ol toktok ia, mi bin lukluk mo luk se laen blong brata blong mi i faet agensem laen blong mi, folem toktok blong enjel; mo from ol hae tingting blong laen blong mi mo ol ^atemtesen blong devel, mi luk se laen blong ol brata blong mi i ^bwinim ol pipol blong laen blong mi.

20 Mo i bin hapen se mi bin lukluk, mo mi bin luk ol pipol blong laen blong brata blong mi, se oli winim laen blong mi; mo oli go fored long ol grup blong ol pipol long fes blong graon.

21 Mo mi bin luk olgeta i kam tugeta long ol grup blong ol pipol; mo mi luk ol ^awo mo ol toktok abaot ol wo long medel blong olgeta; mo long ol wo mo ol toktok abaot ol wo, mi luk plante jeneresen oli pasawe.

22 Mo enjel i talem long mi: “Luk, olgeta ia bae oli kam ^aslak from oli lusum bilif.”

23 Mo i bin hapen se mi luk, afta we oli kam slak from oli lusum bilif, oli kam wan ^adak mo wan rabis, mo wan ^bdoti pipol, oli fulap wetem ^dles mo evri kaen rabis sin.