Iralaud 25
Ni Ketido Keriauo, me pohnmwahso oh suwed kan pahn isihsla duwehte mwutin dihpw meng—Elias pahn pwurodo mwohn rahn lapalap oh kamasapwehko—Karasahiong Malakai 4. Ele Sounpar 34 Mwurin Ipwidi en Krais.
1 Pwe kilang, rahno pahn kohdo me pahn lulida duwehte uhmw ehu, ei, irail koaros me kin wiahda suwed pahn duwehtla mwuten dihpw meng; rahno pahn pwarodo me re pahn isihla, oh sohte kalowe ehu de rah ehu pahn luhwehdi, Kaun Wasa Lapalap ketin mahsanih.
2 Ahpw ong irail me kin lemwiki edei, iei me spawellimen me pwungo me pahn ketin kapwarahda kamwahu kan koaros nan lime kan; oh kumwail pahn kohwei oh kekeirada duwehte kou pwulopwul akan me kin mi nan kehlo.
3 Oh kumwail pahn kin tiahkidi irail me suwed akan; pwe irail pahn wia mwalus pahn nehmwail akan ni rahn me I pahn wia met, Kauno Wasa Lapalap ketin mahsanih.
4 Kumwail tamataman kosonned en Moses, ei laduo, me I kihongehr ih nan Orep ong mehn Israel koaros, iangahki koasondi kan oh kosonned en kopwung kan.
5 Kilang I pahn kadarewei soukohp Elias mwohn rahn kesemwpwal oh kamasepwehk en Kauno;
6 Oh e pahn kapwurehla mohngiong en sahm akan ong neirail seri kan, oh mohngiong en seri kan ong samarail kan, pwe ma soh, I pahn kohdo oh kariahla sampah.