1 Kay tan-awa, ang adlaw moabut nga mosunog sama sa hudno; ug ang tanan nga mapagarbuhon, oo, ug ang tanan nga nagbuhat og dautan, mahisama sa dagami; ug ang adlaw nga moabut mosunog kanila, miingon ang Ginoo sa mga Panon, nga kini dili magbilin kanila ni gamut o sanga.

2 Apan nganha kaninyo nga nagtahud sa akong ngalan ang Anak sa Pagkamatarung mobarug uban sa pagpang-ayo diha sa iyang mga pako; ug kamo mopadayon ug motubo maingon sa mga nati nga baka sa toril.

3 Ug kamo moyatak sa mga dautan; kay sila ingon sa mga abo sa ilawom sa inyong mga tiil sa adlaw nga Ako mohimo niini, miingon ang Ginoo sa mga Panon.

4 Hinumduman ninyo ang balaod ni Moises, ang akong sulugoon, nga Ako misugo ngadto kaniya didto sa Horeb alang sa tibuok Israel, uban sa mga sugo ug mga paghukom.

5 Tan-awa, Ako mopadala kaninyo ni Elijah ang propeta sa dili pa moabut ang mahinungdanon ug makalilisang nga adlaw sa Ginoo;

6 Ug siya mopabalik sa kasingkasing sa mga amahan ngadto sa mga anak, ug ang kasingkasing sa mga anak ngadto sa ilang mga amahan, tingali unya Ako moabut ug mohampak sa yuta uban sa usa ka tunglo.