1 U issa jiena, Moroni, ktibt il‑kliem li ġejt ordnat nikteb, skont il‑memorja tiegħi; u jien għidtlek dwar il‑ħwejjeġ li jien issiġillajt; għalhekk ara li ma tmisshomx bil‑għan li tipprova tittraduċi; għax qed nordnalek biex ma tagħmilx dan, ħlief fiż‑żmien dovut, meta jkun fl‑għerf t’Alla li tagħmel dan.

2 U ara, inti jaf ikollok il‑privileġġ li tista’ turi l‑pjanċi lil dawk li sejrin jgħinuk iġġib fis‑seħħ din il‑ħidma;

3 U bil‑qawwa ta’ Alla huma se jiġu murija lil tlieta; biex b’hekk huma jkunu jafu tassew li dawn il‑ħwejjeġ huma vera.

4 U fuq il‑kelma ta’ tliet xhieda jitwettqu dawn il‑ħwejjeġ; u x‑xhieda ta’ tlieta, kif ukoll din l‑istess opra, li permezz tagħha se tiġi żvelata l‑qawwa ta’ Alla kif ukoll il‑kelma tiegħu, li dwarhom jixhdu l‑Missier, l‑Iben, u l‑Ispirtu s‑Santu—u dan kollu se jkun ta’ xhieda kontra d‑dinja fl‑aħħar jum.

5 U jekk jiġri li huma jindmu u jersqu lejn il‑Missier f’isem Ġesù, huma jiġu milqugħin fis‑saltna ta’ Alla.

6 U issa, jekk jiena għandix awtorità jew le fejn jidħlu dawn il‑ħwejjeġ, iġġudikaw intom; għax intom għad tagħrfu l‑awtorità li jiena għandi meta b’għajnejkom lili taraw, u quddiem Alla aħna nieqfu fl‑aħħar jum. Ammen.