Chquetamaj conojel ri nimak tak ulew, ri alaxic, ri chʼabal, y ri tak tinimit, chque ri cäquicʼam we chac riʼ: Chi ri uj, rumal ri u tokʼob ri Dios ri Tataxel, y re ri Kajawal Jesucristo, chi uj kilom ri xax tak u xak kʼän puak ri cʼo chupam we tzʼib riʼ. Are jun ojer tzʼibatal chejujun junab re ri u tinimit ri Nefi, xukujeʼ ri aj Lamanitas, ri rachalal, xukujeʼ ri u tinimit ri Jared, ri xepe jelaʼ ja ri xwalajisax wi jun nimalaj tzʼukutzʼic ja, Babel cäbix che. Xukujeʼ ketaʼm chi kʼaxem pa Inglés rumal ri u cuinem ri Dios. Jeriʼ xukʼalajisaj chkawäch ri u chʼabal, rumal riʼ, ketaʼm chi we jun chac kastzij. Xukujeʼ cäkakʼalajisaj chi xkilo ri retal re ri tzʼib ri cʼo chuwäch ri xax tak u xak kʼän puak, y xcʼutic chkawäch rumal ri u cuinem ri Dios, man are taj ri rech jun achi. Y cäkabij rucʼ nimalaj tak tzij chi jun ángel rech ri Dios xkaj pa ri caj, y xucʼam ulok ri xax tak u xak kʼän puak chkawäch, rumal riʼ xkilo. Y xukujeʼ xkilo ri retal re ri tzʼib ri cʼo chuwäch, y ketaʼm chi are rumal ri u tokʼob ri Dios ri Tataxel, y ri Kajawal Jesucristo, chi xkilo, y cäkakʼalajisaj chi we jastak riʼ are kastzij, y are jun mayibal chkawäch. Pune tä riʼ, ri u tzij ri Ajawaxel xtakan pakawiʼ chi cäkakʼalajisaj chrij. Rumal riʼ, cäkakʼalajisaj chrij waʼ jastak, rech cäkaban nimanel che ri u takanic ri Dios, y ketaʼm chi we uj cojonel che ri Cristo, cächʼaj na ri katzʼiak che ri qui quiqʼuel conojel winak, cujopan na chuwäch, y kas uj cʼo na chʼajchʼoj, man cʼo tä ri ka mac jelaʼ pa ri u kʼatbal tzij ri Cristo, y cujcʼojiʼ na rucʼ pa ri caj che jun junalic ka cʼaslemal, y nim baʼ u kʼij ri Tataxel, y ri Cʼojolaxel, y ri Lokʼalaj Uxlabixel, areʼ xaʼ jun Dios. Amén.