Vahe 4
1 Oku fakaajili ae vaiga ki he tagata koeuhi koe fakamalohi, 4 moe meheka, 5 moe fakabikobiko, 7 moe manumanu, 9 moe nofo toko taha, 13 moe baogataa.
¶ 1 KOIA naaku tafoki mai, beau tokaga ki he fakamalohi kotoabe oku fai i he lalo laa: bea vakai koe loimata onautolu kuo fakamalohi‘i, bea ikai ha nau fakafiemalie; bea nae i he nima onautolu nae fakamalohi ae malohi, ka nae ikai ha nau fakafiemalie.
2 Koia naaku leleiia mooni i he mate kuo mate i he moui oku kei moui.
3 Io, bea oku lelei hake ia iate kinaua fakatouoji, aia oku heeki ai fakatubu be mamata ki he gaue kovi oku fai i he lalo laa.
¶ 4 Bea koeni, naaku fakalaulauloto ki he feiga moe gaue lelei kotoabe, he koe mea ia oku fakatubu meheka ki ha tagata mei hono kaugaabi. Koe vaiga foki eni moe fakamamahi ki he laumalie.
5 Oku fehulunaki ae nima oe vale, bea oku ne kai hono kakano oona.
6 Oku lelei hake ke fonu ae nima e taha moe fiemalie, i he fonu fakatouoji oe nima kae feiga mo mamahi ae laumalie.
¶ 7 Bea naaku toki tafoki mai, bea naaku mamata ki he vaiga i he lalo laa.
8 Oku ai aia oku toko taha be, bea oku ikai hono toko ua; io, oku ikai haane fānau be kaiga: ka oku ikai gata ene gaue; bea oku ikai fiu hono mata ki he koloa; bea oku ikai behe eia, Ko eku gaue eni ma ahai, kau fakamajiva‘i a hoku laumalie i he lelei? Koe vaiga foki eni, io, koe fakamamahi lahi.
¶ 9 Oku lelei hake ae toko ua i he toko taha; he oku ai ae totogi lelei i he e na gaue.
10 He kabau te na to ki lalo, e hiki ki oluga e he toko taha a hono kaiga: ka e kovi lahi kiate ia oku to ki lalo i he ene toko taha be; he oku ikai ha toko taha ke tokoni hake ia ki oluga.
11 Koeni foki, kabau e takoto ae toko ua te na mafana; ka e mafana fefe‘i ha taha i he ene toko taha be?
12 Bea kabau e malohi ha toko taha ki he toko taha, ka e faa iku‘i ia e he toko ua; bea koe afo tuo tolu oku motugataa ia.
¶ 13 Oku lelei hake ae tamajii oku majiva mo boto, i ha tu‘i oku motua kae vale, aia oku ikai tui ki he valoki.
14 He oku ha‘u ia mei he fale fakabolula ki he bule; ka ko ia kuo fanau‘i koe bule oku hoko ia o majiva.
15 Naaku mamata ki he kakai moui kotoabe oku aeva i he lalo laa, mo hono foha e hoko, aia e tuu hake i hono botu ko hono fetogi.
16 Oku ikai hano gataaga oe kakai kotoabe, akinautolu foki nae i mua iate kinautolu: bea e ikai fiefia iate ia akinautolu e tubu kimui. Koe mooni koe vaiga foki eni moe fakamamahi ki he laumalie.