¶ 1 I HE lea tetetete a Ifalemi, naa ne hakeaki‘i ia eia i Isileli; ka i he ene talagataa ia Beali, ne mate ia.

2 Bea oku nau agahala ni o lahi hake, bea kuo nau gaohi ne gaahi fakatātā aki ae nau siliva kuo haka, bea moe gaahi tamabua o fakatatau moe nau ilo, koe gaue kotoabe ia ae kau tufuga: oku nau behe ki ai, Tuku ae kau tagata oku feilaulau ke uma ki he faga bulu jii.

3 Koia te nau hage koe ao oe bogibogi, bea hage koe hahau oe hegihegi oku mole atu, hage koe kafukafu kuo tafi e he ahiohio mei he hahaaga, bea hage koe ahu mei he gotoumu.

4 Ka ko Jihova au, ko ho Otua, mei he fonua o Ijibite, bea ikai te ke ilo ha otua kehe ka ko au be: he oku ikai mo ha fakamoui ka ko au be.

¶ 5 Naaku ilo koe i he toafa, i he fonua oe laaina lahi.

6 O fakatatau ki he e nau mohuku, naa nau makona; naa nau makona, bea nae hiki hake ho nau loto; koia kuo nau fakagalo‘i au.

7 Koia teu hage koe laione kiate kinautolu: hage koe lebati i he hala teu lamaji akinautolu:

8 Teu fakafetaulaki mo kinautolu hage koe beaa, kuo fakamajiva i he ave ene fānau, bea teu hae‘i ae kofu o ho nau mafu, bea teu folo akinautolu i ai o hage koe laione; e haehae akinautolu e he faga manu oe vao.

¶ 9 E Isileli, kuo ke fakaauha koe ekoe: ka oku iate au hoo tokoni.

10 Teu hoko ko ho tu‘i: kofaaia ha taha kehe te ne fakamoui koe i ho gaahi kolo kotoabe? bea mo hoo kau fakamāu aia naa mou behe ai, Foaki mai ha tu‘i moe houeiki?

11 Naaku foaki ha tu‘i kiate koe i hoku houhau, bea naaku too ia i he eku tubutamaki.

12 Kuo takai ae hia a Ifalemi; kuo fufu ene agahala.

13 Koe gaahi mamahi ae fefine oku laga e hoko kiate ia: koe foha vale ia; e ikai lelei ene nofo fuoloa i he botu oku hao ai ae fānau.

14 Teu huhui akinautolu mei he malohi oe faitoka; teu huhui akinautolu mei he mate: E mate, teu hoko ko ho maumau‘i; e faitoka, teu hoko ko ho fakaauha: e buli ae fakatomala mei hoku mata.

¶ 15 Ne ogo oku faa fua ia i he lotolotoga o hono kaiga, e hoko ha matagi hahake, e ha‘u ae matagi a Jihova mei he toafa, bea e maha a ene matavai, bea e matuu e ene vai mabunobuna; te ne maumau ae koloa oe gaahi ibu lelei kotoabe.

16 E hoko o lala a Samelia; he kuo ne agatuu ki hono Otua: te nau to i he heleta: e lailai ke iki ae nau fānau kei huhu, bea ko ho nau kau fefine oku feitama e haehae.