¶ 1 OUA naa ke nekeneka, e Isileli, i he fiefia, hage koe kakai kehe; he kuo ke alu o feauaki mei ho Otua, kuo ke manako ae totogi i he hahaaga koane kotoabe.

2 Koe hahaaga, moe tataoaga uaine e ikai fafaga ai akinautolu, bea e ikai iate ia ae uaine foou.

3 E ikai te nau nofo i he fonua o Jihova; ka e tafoki a Ifalemi ki Ijibite, bea te nau kai ae mea taemaa i Asilia.

4 E ikai te nau feilaulau aki ae uaine kia Jihova, bea e ikai te ne fiemalie ai: koe nau gaahi feilaulau e hage koe ma ae kau tagilāulāu kiate kinautolu; ko kinautolu kotoabe oku kai ai te nau uli ai: he koe ma maa ho nau laumalie, e ikai hoko ia ki he fale o Jihova.

5 Koeha te mou fai i he aho mamafa, bea i he aho oe katoaga a Jihova?

6 He, vakai, kuo nau alu koeuhi koe fakaauha: e tanaki akinautolu e Ijibite, e tanu akinautolu e Memifisi: koe gaahi botu lelei ki he e nau siliva, e ma‘u ia e he hogohogo: e i ho nau gaahi fale fehikitaki ae akau talatala.

7 Koe gaahi aho oe aahi kuo hoko, koe gaahi aho oe totogi kuo hoko; e ilo ia e Isileli: koe balofita koe vale ia, oku faha ae tagata fakalaumalie, koe mea i he lahi o hoo hia, moe fehia lahi.

8 Koe tagata leo o Ifalemi nae i hoku Otua: ka koe balofita koe tauhele ae tagata tauhele manu i hono hala kotoabe, moe fehianekina i he fale o hono Otua.

9 Kuo nau fakauli‘i lahi akinautolu o hage koe gaahi aho o Kibea: koia te ne manatu e nau hia, te ne aahi ki he e nau agahala.

10 Neu ilo a Isileli hage koe kalebi i he toafa; neu mamata ki hoo gaahi tamai, hage koe tomua momoho i he akau koe fiki i hono uluaki toukai: ka ne nau alu ki Beali‐beoli, bea mavahe akinautolu ke nau ma; bea koe nau gaahi fakalielia nae tatau moe nau manako.

11 Ka ko Ifalemi, e buna atu hono nāunāu hage koe manu buna, mei he faele, moe manāva, bea mei he tuituia.

12 Ne ogo oku nau tauhi e nau fānau, ka teu fakamajiva akinautolu, ke oua naa toe ha tagata: io, malaia foki kiate kinautolu o kau ka mahui meiate kinautolu!

13 Oku to a Ifalemi i he botu lelei, hage naaku mamata ki Taia; ka e fanau‘i e Ifalemi a ene fānau ki he fakabo.

14 Foaki kiate kinautolu, e Jihova: koeha te ke foaki? foaki kiate kinautolua ae manāva totama moe huhu maha.

15 Koe nau agakovi kotoabe oku i Kilikali: he nae i ai eku fehia kiate kinautolu: koeuhi koe kovi oe nau faiaga, teu kabuji akinautolu mei hoku fale, e ikai teu toe ofa kiate kinautolu: koe kau agatuu a ho nau houeiki kotoabe.

16 Kuo ta‘i a Ifalemi, kuo momoa ho nau aka, e ikai te nau fua: io, ne ogo oku nau fanau, ka teu tamate‘i ae ofeina a ho nau manāva.

17 Ko hoku Otua te ne liaki akinautolu, koeuhi nae ikai te nau fanogo kiate ia: bea te nau hoko koe kau āuhe i he gaahi buleaga.