¶ 1 BEA nae folofola a Jihova kia Mosese, Lea ki he kau taulaeiki koe gaahi foha o Elone, o behe kiate kinautolu, Oua naa fakauli‘i ha toko taha koeuhi koe bekia oku i hono kakai:

2 Ka koeuhi ko hono kaiga mooni, oku ofi kiate ia, koeuhi ko ene fa‘e, bea mo ene tamai, bea mo hono foha, bea mo hono ofefine, bea mo hono tokoua,

3 Bea koeuhi ko hono tuofefine koe tāuboou, aia oku ofi kiate ia, bea kuo heeki ai hano unoho; oku gofua ene tae maa koeuhi koia.

4 Kae oua naa ne fakauli‘i ia koeuhi ko ha taha eiki i hono kakai, ke ne taemaa ai.

5 E ikai te nau tekefua ho nau ulu, be tele hono botu tuliki oe kava, be fai ha tafatafa‘i i ho nau jino.

6 Te nau maonioni ki ho nau Otua, kae oua naa fakaogokovi‘i ae huafa o ho nau Otua: he koe gaahi feilaulau kia Jihova oku gaohi i he afi, bea oku nau atu ae ma a ho nau Otua; koia e maonioni ai akinautolu.

7 E ikai te nau fakamau unoho mo ha fefine faa feauaki, be ha taelotu; bea oua naa nau ma‘u ae fefine kuo tukuage mei hono unoho: he oku maonioni ia ki hono Otua.

8 Koia ke ke fakamaonioni‘i ia; he oku ne atu ae ma a ho Otua; e maonioni ia kiate koe: he ko au Jihova, oku ou fakamaonioni‘i akimoutolu, oku ou maonioni.

9 Bea koe ofefine o ha taulaeiki, kabau oku ne fakahala‘i eia ia i he fai feauaki, oku ne fakahala‘i ene tamai: e tutu aki ia ae afi.

¶ 10 Bea koia oku taulaeiki lahi i hono gaahi kaiga, aia nae ligi ki hono ulu ae lolo oe fakanofo, bea kuo fakatabu‘i ke ai ae gaahi kofu, e ikai too eia hono tatā, be hae hono kofu;

11 Bea e ikai te ne alu ia ki ha jino oku mate, be fakahala‘i eia ia koeuhi ko ene tamai, be ko ene fa‘e;

12 Bea e ikai alu ia kituaa i he fale tabu, be fakahala‘i ae fale tabu o hono Otua; he koe tatā oe lolo tākai o hono Otua oku iate ia: Ko au ko Jihova.

13 Bea te ne fili eia hono unoho koe tāuboou.

14 Koe fefine baea, be koe fefine fakamavae, be koe taelotu, be koe feauaki, ko kinautolu ni e ikai te ne fili: kae ma‘u eia ha taahine mei hono kakai ko hono unoho.

15 Bea e ikai te ne fakahala‘i eia hono hako i he lotolotoga o hono kakai: he ko au ko Jihova oku ou fakamaonioni‘i ia.

¶ 16 Bea nae folofola a Jihova kia Mosese, o behe,

17 Lea kia Elone, o behe, Koia i ho hako i ho nau toutagata kotoabe, oku iate ia hano mele, oua naa unuunu mai ia ke atu ae ma a hono Otua.

18 He koe tagata koia oku ai hano mele, oua naa unuunu mai ia: koe tagata kui, be koe ketu, be koia oku ihu lafalafa, be ai haane aga oku kehe,

19 Be ha tagata oku veefaji, be nima faji,

20 Ae tuabiko be koe kihi, be hagatamakia hono mata, be koe kama, be koe mogumagu, be koe tagabula.

21 Iloga ae tagata i he fānau a Elone koe taulaeiki oku iate ia ha mele, ke oua naa unuunu mai ia ke atu kia Jihova ae feilaulau kuo gaohi aki ae afi: oku iate ia hano mele; e ikai ofi mai ia ke atu ae ma a hono Otua.

22 E kai eia ae ma a hono Otua, io, ae maonioni lahi, bea moe maonioni be.

23 Ka koeuhi be e ikai te ne alu ki he loto buibui, be hoko o ofi ki he feilaulauaga, koeuhi oku iate ia hano mele; ke oua naa fakahala‘i eia hoku gaahi botu tabu: he ko au ko Jihova oku ou fakamaonioni akinautolu.

24 Bea nae tala ia e Mosese kia Elone, bea ki hono gaahi foha, bea ki he fānau kotoabe a Isileli.