Vahe 2
1 Ki he fakamalohi. 4 Koe tagilāulāu. 7 Koe valoki ki he taetotonu moe tauhi tamabua. 12 Koe talaofa ki he toe omi o Jekobe.
¶ 1 MALAIA kiate kinautolu oku fakatubu hia, mo filioi kovi i ho nau mohega! oka māma ae bogibogi, oku nau fai ia, koeuhi oku i he malohi a ho nau nima.
2 Bea oku nau fakaamu ki he gaahi goue, bea faao fakamalohi ia; moe gaahi fale, bea ave ia; oku behe e nau fakamalohi ae tagata mo hono fale, io, ae tagata mo hono tofia.
3 Koia oku behe e Jihova; Vakai, oku ou fakatubu ha kovi ki he fānau ni, aia e ikai hao mei ai ho mou kia: bea e ikai te mou alu moe fielabi; he oku kovi ae kuoga ni.
¶ 4 I he aho koia, e fokotuu e ha taha ha lea fakatātā kiate kimoutolu, bea tagi aki ae tagi mamahi, bea behe Kuo tau maumau aubito: kuo ne fakakehe ae tofia o hoku kakai: a ene ave ia meiate au! i he ene tafoki atu kuo ne vahevahe ho tau gaahi goue.
5 Koia e ikai toe kiate koe ha niihi, ke li ha afo i he talotalo i he fakataha o Jihova.
6 Oku nau behe kiate kinautolu oku kikite, Oua naa mou kikite: e ikai te nau kikite kiate kinautolu, bea e ikai te nau ma.
¶ 7 Akoe kuo ui koe fale o Jekobe, oku abiabi koa ae Laumalie o Jihova? koe gaahi mea ni, ko ene gaue? ikai oku hoko lelei a eku gaahi lea kiate ia, oku eveeva totonu?
8 Io, kuo tuu hake ki mui ni a hoku kakai kiate au, hage ha fili: oku mou hamuji ae kofu tua moe kofu loto meiate kinautolu, oku alu atu i he melino, hage koe kau tagata tae boto ki he tau.
9 Kuo mou kabuji ae kau fefine o hoku kakai mei ho nau gaahi fale lelei; mei he e nau fānau, kuo mou ave hoku nāunāu o lauikuoga.
10 Mou tuu hake o alu; he oku ikai ko ho mou mālōlōaga eni; koeuhi oku uli ia e fai ae fakaauha, io, ae fakaauha lahi.
11 Kabau oku ai ha tagata oku eveeva i he laumalie moe loi, bea ne behe, Teu kikite kiate koe ki he uaine, moe kava malohi; koe mooni e hoko ia koe balofita ki he kakai ni.
¶ 12 Koe mooni teu tanaki a hoo katoa, e Jekobe; koe mooni teu tanaki ae toega o Isileli; teu fakataha akinautolu, o hage koe faga sibi o Bosila, hage koe faga sibi i he lotoa sibi: e lahi ae batatū koe mea i he toko lahi oe kau tagata.
13 Kuo alu hake i ho nau ao aia oku fakaava: kuo nau movete mo laka atu i he mataba, bea kuo nau hu ai kituaa: bea e muomua a ho nau tu‘i iate kinautolu, bea mo Jihova i ho nau ao.