¶ 1 BEA nae folofola a Jihova kia Mosese, o behe,

2 Ke ke lea ki he fānau a Isileli, bea ke ma‘u mei ai taki taha ae tokotoko o fakatatau ki he fale oe nau gaahi tamai, i he houeiki kotoabe o fakatatau ki he fale oe nau gaahi tamai ae tokotoko e hogofulu ma ua: ke ke tohi ae higoa oe tagata taki taha ki hono tokotoko.

3 Bea ke tohi ae higoa o Elone ki he tokotoko o Livai: e tuku ae tokotoko taki taha ki he eiki oe fale oe nau gaahi tamai.

4 Bea e tuku ia ki he fale fehikitaki oe kakai i he ao oe fakamooni, aia teu fetaulaki ai mo kimoutolu.

5 Bea e hoko o behe, koe tokotoko oe tagata teu fili ki ai, e moto ia: bea teu fai ke fakagata ae lāuga kiate au ae fānau a Isileli, aia oku nau lāuga aki kiate kimoua.

¶ 6 Bea nae lea a Mosese ki he fānau a Isileli, bea nae taki taha age e ho nau houeiki a hono tokotoko o fakatatau ki he fale oe nau gaahi tamai, koe tokotoko e hogofulu ma ua: bea koe tokotoko o Elone nae ai fakataha moe nau gaahi tokotoko.

7 Bea nae tuku e Mosese ae gaahi tokotoko i he fale fehikitaki oe fakamooni i he ao o Jihova.

8 Bea nae hoko o behe, i he ene bogibogi hake nae hu a Mosese ki he fale fehikitaki oe fakamooni; bea vakai, koe tokotoko o Elone mei he fale o Livai, kuo matala bea kuo tubu i ai ae gaahi moto, moe fiji‘i akau, bea moe gaahi telie.

9 Bea nae omi e Mosese mei he ao o Jihova ae gaahi tokotoko kotoabe ki he fānau kotoabe a Isileli: bea naa nau mamata, bea nae taki taha ave e he tagata a hono tokotoko.

¶ 10 Bea nae behe e Jihova kia Mosese, Toe omi ae tokotoko o Elone ki he ao oe fakamooni, ke tuku ia koe fakailoga ki he kau agatuu; bea te ke fakaoji aubito e nau lāuga kiate au, telia naa nau mate.

11 Bea nae fai behe e Mosese: o hage koe fekau a Jihova kiate ia, nae behe ene fai.

12 Bea nae lea ae fānau a Isileli kia Mosese, o behe, Vakai, oku mau mate, oku mau malaia, oku mau malaia kotoabe.

13 Koia kotoabe oku ha‘u ke ofi jii ki he fale fehikitaki o Jihova e mate ia: te mau fakaau ai be ke auha i he mate?