¶ 1 BEA i hono fitu oe mahina, i he uluaki  aho oe mahina, te mou fai ai ae fakataha tabu; e ikai te mou fai ai ha gaue fakamama: koe aho ia oe ifi oe gaahi mealea kiate kimoutolu.

2 Bea te mou atu ae feilaulau tutu koe mea namu kakala kia Jihova; koe bulu mui e taha, moe sibi tagata e taha, moe lami e fitu tae ha nau mele i ho nau uluaki ta‘u:

3 Bea koe nau feilaulau meakai koe mahoaa kuo fefiofi moe lolo, koe oma e tolu ki he bulu e taha, moe oma e ua ki he sibi tagata e taha,

4 Bea moe oma e taha ki he lami taki taha, i he lami e fitu:

5 Bea koe uhiki e taha oe koji koe feilaulau ma ae agahala, ke fai ae fakalelei maa moutolu:

6 Mou feilaulau tutu oe mahina, mo hono feilaulau meakai, moe feilaulau tutu i he aho fulibe, mo hono feilaulau meakai, moe nau feilaulau inu, o fakatatau ki ho nau aga, koe mea namu kakala, koe feilaulau kuo gaohi aki ae afi kia Jihova.

¶ 7 Bea i hono hogofulu oe  aho i hono fitu oe mahina te mou fai ai ae fakataha tabu; bea te mou fakamamahi ho mou loto: e ikai te mou fai ai ha gaue fakamama:

8 Ka te mou age ae feilaulau tutu koe mea namu kakala kia Jihova; koe bulu mui e taha, moe sibi tagata e taha, moe lami e fitu i ho nau uluaki ta‘u; te mou fili ia tae ha mele:

9 Bea koe nau feilaulau meakai koe mahoaa kuo fefiofi moe lolo, koe oma e tolu ki he bulu e taha, bea koe oma e ua ki he sibi tagata e taha,

10 Bea koe oma e taha ki he lami taki taha, i he lami e fitu:

11 Koe uhiki oe koji koe feilaulau ma ae agahala; ka oku kehe ae feilaulau ma ae agahala ke fakalelei aki, bea moe feilaulau tutu mau ai be, mo hono feilaulau meakai, bea mo hono gaahi feilaulau inu.

¶ 12 Bea i hono hogofulu ma nima oe aho i hono fitu oe mahina te mou fai ai ae fakataha tabu; e ikai te mou fai ai ha gaue fakamama, bea te mou fai ae katoaga kia Jihova i he aho e fitu:

13 Bea te mou age ae feilaulau tutu, koe feilaulau kuo gaohi aki ae afi, koe mea namu kakala kia Jihova; koe faga bulu mui e hogofulu ma tolu, moe sibi tagata e ua, moe lami e hogofulu ma fa i ho nau uluaki ta‘u; tae ha mele i ai.

14 Bea koe nau feilaulau meakai, koe mahoaa kuo fefiofi moe lolo, koe oma e tolu ki he bulu taki taha i he faga bulu e hogofulu ma tolu, bea koe oma e ua ki he sibi tagata taki taha i he sibi e ua,

15 Bea koe oma e taha ki he lami taki taha i he lami e hogofulu ma fa:

16 Bea koe uhiki oe koji koe feilaulau ma ae agahala; moe feilaulau tutu mau ai be, mo hono feilaulau meakai, mo hono feilaulau inu.

¶ 17 Bea i hono aho ua te mou atu ae faga bulu mui e hogofulu ma ua, moe sibi tagata e ua, moe lami e hogofulu ma fa i ho nau uluaki ta‘u tae ha mele i ai.

18 Bea koe nau feilaulau meakai moe nau feilaulau inu ki he faga bulu, moe faga sibi tagata, bea moe faga lami, e atu ia o fakatatau ki ho nau lau, bea ki hono aga:

19 Bea koe uhiki e taha oe koji koe feilaulau ma ae agahala, ke fakalahi aki ae feilaulau tutu mau ai be, mo hono feilaulau meakai, bea mo hono feilaulau inu.

¶ 20 Bea i hono aho tolu koe faga bulu e hogofulu ma taha, moe sibi tagata e ua, moe lami e hogofulu ma fa i ho nau uluaki ta‘u tae ha mele i ai.

21 Bea koe nau feilaulau meakai moe nau feilaulau inu ki he faga bulu, moe faga sibi tagata, bea moe faga lami, e atu ia o fakatatau ki ho nau lau, bea ki hono aga:

22 Bea koe koji e taha koe feilaulau ma ae agahala; ke fakalahi aki ae feilaulau tutu mau ai be, mo hono feilaulau meakai, bea mo hono feilaulau inu.

¶ 23 Bea i hono aho fa koe faga bulu e hogofulu, moe sibi tagata e ua, moe lami e hogofulu ma fa i ho nau uluaki ta‘u tae ha mele i ai.

24 Bea koe nau feilaulau meakai moe nau feilaulau inu ki he faga bulu, moe faga sibi tagata, bea moe faga lami, e atu ia o fakatatau ki ho nau lau, bea ki hono aga:

25 Bea koe uhiki oe koji e taha koe feilaulau ma ae agahala; ke fakalahi aki ae feilaulau tutu mau ai be, mo hono feilaulau meakai, bea mo hono feilaulau inu.

¶ 26 Bea i hono aho nima koe faga bulu e hiva, moe sibi tagata e ua, moe lami e hogofulu ma fa i ho nau uluaki ta‘u tae ha mele i ai.

27 Bea koe nau feilaulau meakai moe nau feilaulau inu ki he faga bulu, moe faga sibi tagata, bea moe faga lami, e atu ia o fakatatau ki ho nau lau, bea ki hono aga:

28 Bea koe koji e taha koe feilaulau ma ae agahala; ke fakalahi aki ae feilaulau tutu mau ai be, mo hono feilaulau meakai, bea mo hono feilaulau inu.

¶ 29 Bea i hono aho ono koe faga bulu e valu, moe sibi tagata e ua, moe lami e hogofulu ma fa i ho nau uluaki ta‘u tae ha mele i ai.

30 Bea koe nau feilaulau meakai moe nau feilaulau inu ki he faga bulu, moe faga sibi tagata, bea moe faga lami, e atu ia o fakatatau ki ho nau lau, bea ki hono aga:

31 Bea koe koji e taha koe feilaulau ma ae agahala; ke fakalahi aki ae feilaulau tutu mau ai be, mo hono feilaulau meakai bea mo hono feilaulau inu.

¶ 32 Bea i hono aho fitu koe faga bulu e fitu, moe sibi tagata e ua, moe lami e hogofulu ma fa i ho nau uluaki ta‘u tae ha mele i ai.

33 Bea koe nau feilaulau meakai moe nau feilaulau inu ki he faga bulu, moe faga sibi tagata, bea moe faga lami, e atu ia o fakatatau ki ho nau lau, bea ki hono aga:

34 Bea koe koji e taha koe feilaulau ma ae agahala; ke fakalahi aki ae feilaulau tutu mau ai be, mo hono feilaulau meakai, mo hono feilaulau inu.

¶ 35 Bea i hono aho valu te mou fai ai ae fakataha tabu: e ikai te mou fai ai ha gaue fakamama:

36 Ka te mou atu ha feilaulau tutu, koe feilaulau kuo gaohi aki ae afi, koe mea namu kakala kia Jihova: koe bulu e taha, moe sibi tagata e taha, moe lami e fitu i ho nau uluaki ta‘u tae ha mele i ai.

37 Koe nau feilaulau meakai, moe nau feilaulau inu ki he bulu, moe sibi tagata, bea moe faga lami, e atu ia o fakatatau ki ho nau lau, ki hono aga:

38 Bea koe koji e taha koe feilaulau ma ae agahala; ke fakalahi aki ae feilaulau tutu mau ai be, mo hono feilaulau meakai, mo hono feilaulau inu.

39 Koe gaahi mea eni te mou fai kia Jihova i hoo mou gaahi katoaga mau, ka oku kehe ia a hoo mou gaahi fuakava, mo hoo mou gaahi feilaulau faiteliha, mo hoo mou gaahi feilaulau tutu, mo hoo mou gaahi feilaulau meakai, bea mo hoo mou gaahi feilaulau inu, mo hoo mou gaahi feilaulau fakamelino.

40 Bea nae fakamatala e Mosese ki he fānau a Isileli o fakatatau mo ia kotoabe kuo fekau e Jihova kia Mosese.