¶ 1 NAAKU tatali faa kataki be kia Jihova; bea ne tokaga kiate au, o ne ogo‘i eku tagi.

2 Bea naa ne too hake au mei he lua fakailifia, mei he umea belebela, o ne fokotuu hoku va‘e ki he maka, o fakamau hoku gaahi aluaga.

3 Bea kuo ne ai ae hiva foou ki hoku gutu, io, ae fakafetai ki ho tau Otua: e mamata ki ai ae toko lahi, bea manavahe, bea te nau falala kia Jihova.

4 Oku monuia ae tagata koia oku falala kia Jihova, bea ikai tokaga ia ki he kakai laukau, mo kinautolu oku afe ki he loi.

5 E Jihova ko hoku Otua, oku lahi hoo gaahi gaue fakaofo aia kuo ke fai, mo ho finagalo lelei kiate kimautolu: e ikai faa lau fakaholo ia kiate koe: kabau teu fie fakaha o lea ki ai, oku lahi aubito ia, e ikai faa laua.

6 Koe feilaulau moe mea foaki nae ikai te ke finagalo ki ai; ka ko hoku teliga kuo ke fakaava: koe feilaulau tutu moe feilaulau koeuhi koe agahala nae ikai te ke fekau.

7 Bea naaku toki behe, Vakai, oku ou ha‘u: kuo tohi i he tohi takai iate au,

8 E hoku Otua, oku ou fiefia ke fai ho finagalo: io, oku i hoku loto hoo fono.

9 Naaku malaga aki ae maonioni i he fakataha lahi: vakai, nae ikai teu taofi hoku lougutu, E Jihova, oku ke ilo‘i.

10 Nae ikai teu fakafufu hoo maonioni i hoku loto; naaku fakaha hoo agatonu mo hoo fakamoui: nae ikai teu fakalilolilo a hoo aloofa mo hoo mooni mei he fakataha lahi.

11 E Jihova, oua naa ke taofi hoo gaahi aloofa ogogofua iate au: tuku ke tauhi mau ai be au e hoo aloofa mo hoo mooni.

12 He kuo kabui au e he gaahi kovi taefaalaua: kuo buke au e he eku gaahi hia, koia oku ikai ai teu faa haga hake; oku lahi hake ia i he gaahi tuoni louulu o hoku ulu: koia kuo liaki au e hoku loto.

13 E Jihova, ke ke finagalo lelei ke fakamoui au: E Jihova, ke ke fai vave ke tokoni‘i au.

14 Tuku ke ma mo bubutuu fakataha akinautolu kotoabe oku nau kumi hoku laumalie ke fakaauha ia; tuku ke fakafoki kimui mo ma akinautolu oku nau holi keu kovi.

15 Tuku ke baea akinautolu koe totogi oe nau kovi, akinautolu oku behe kiate au, Ha, ha.

16 Tuku ke fiefia mo nekeneka iate koe akinautolu kotoabe oku kumi kiate koe: tuku ke lea behe mau ai be akinautolu oku ofa ki hoo fakamoui, Ke ogoogolelei a Jihova.

17 Ka ko au oku ou majiva mo baea; ka oku finagalo ae Eiki kiate au: ko koe ko hoku tokoni mo hoku fakamoui; oua naa ke fakatuai, E hoku Otua.