Vahe 61
1 Oku hola a Tevita ki he Otua i he ene ilo ene faa lokoni kiate ia. 4 Oku ne fuakava ke tauhi mau ai be kiate ia, koeuhi ko ene gaahi talaofa.
Ki he Takimua i he Nekina, koe Same a Tevita.
¶ 1 E OTUA, ke ke fanogo ki he eku tagi; tokaga ki he eku lotu.
2 Teu tagi kiate koe mei he gataaga o mamani, oka taomia hoku loto: ke ke tataki au ki he maka oku maoluga hake iate au.
3 He naa ke hoko ko hoku ugaki‘i, koe fale maoluga bea malohi ki he fili.
4 Teu nofo mau i ho fale fehikitaki o taegata: teu falala ki he malu o ho kabakau. Sila.
5 He kuo ke fanogo ki he eku gaahi fuakava, E Otua: kuo ke foaki kiate au ae tofia okinautolu oku manavahe ki ho huafa.
6 Te ke fakatologa ae moui ae tu‘i: mo hono gaahi ta‘u o hage mei he toutagata ki he toutagata.
7 E nofo mau ia i he ao oe Otua taegata: ke ke teuteu ae aloofa moe mooni aia te na fakamoui ia.
8 Koia teu hiva fakamalo ai ki ho huafa o taegata, koeuhi keu fai ki he eku gaahi fuakava i he aho kotoabe.