Fe rehegua Artikulokuéra
Jesucristo Tupao Santokuéra Ára Pahapeguáva

1 Roguerovia Tupã Túva Ijapyraʼỹvape, ha Itaʼýra Jesucristo, ha pe Espíritu Santo.

2 Roguerovia yvypóra ojehavirataha angaipa imbaʼe teévare, ha ndahaʼéi Adán jejapyharáre.

3 Roguerovia Cristo expiasiõ rupive, opavave yvypóra ikatuha ojesalva, Evanhélio léi ha ordenansakuérare ñeʼẽrendu rupive.

4 Roguerovia peteĩha Evanhélio prinsípio ha ordenansakuéra haʼe: peteĩha, Jeguerovia Ñandejára Jesucristo-re; mokõiha, Ñearrepenti; mbohapyha, ñapymíme Ñemongarai angaipakuéra rremisiõrã; irundyha, Po ñemoĩ Espíritu Santo jehupytyrã.

5 Roguerovia tekovekuéra Tupãre oñehenoivaʼerãha, profesía rupive, ha po ñemoĩ rupive, umi oguerekóvare autorida, omboʼe hag̃ua upe Evanhélio ha ojapo hag̃ua iñordenansakuéra.

6 Roguerovia upe organisasiõ oĩvaʼekueichagua Tupao Ñepyrũme, upéva haʼe, umi apóstol, proféta, pastor, mboʼehára, evanhelista, ha hetave.

7 Roguerovia umi ñeʼẽ rehegua don, profesía, rrevelasiõ, umi visiõ, ñemonguera, umi ñeʼẽ ñehesaʼỹijo, ha hetave.

8 Roguerovia Bíblia haʼeha Tupã ñeʼẽ oñembohasa porãha meve; roguerovia avei Mormón Kuatiañeʼẽ haʼeha Tupã ñeʼẽ.

9 Roguerovia opa mbaʼe Tupã oikuaaukavaʼekue, opa umi ko árape oikuaaukáva, ha roguerovia oikuaaukataha gueteri heta mbaʼe Tupã rréino rehegua tuicha ha imbaʼeguasúva.

10 Roguerovia Israel ñembyaty tee ha umi Diez Tribu ñemoĩjeýpe; ha Sion (upe Jerusalén Pyahu), oñemopuʼãtaha kontinénte Amerikánope; Cristo voi orreinataha ko yvy ári, ha pe yvy oñembopyahutaha, ha ohupytytaha iglória iporãmbajepéva.

11 Rojerure derécho rotupãitũ hag̃ua Tupã Ipuʼakapávape ore jehegui roñanduháicha, ha romeʼẽ peichagua priviléhio opa tekovépe: totupãitũ ojaposeháicha, oipotahápe ha otupãitũsévape.

12 Roguerovia roimeha umi rréi, presidente, sãmbyhyhára ha huekuéra poguýpe; roñeʼẽrendúvo, romoherakuãporã ha romoʼãvo léi.

13 Roguerovia orerekoporãvaʼerãha, orerekoañete, orerekopotĩ, orepyʼaporã, orevirtuóso ha rojapovaʼerãha iporãva opa tekovére; añetehápe, roʼekuaa rojapoha Pablo ñehekomboʼe: Roguerovia opa mbaʼe, rohaʼarõ opa mbaʼe; heta mbaʼe rogueropuʼakákuri, ha rohaʼarõ rogueropuʼaka hag̃ua opaite mbaʼe. Oĩramo oimeraẽ mbaʼe ivirtuóso térã iporãmba, térã herakuãporã, térã imarangatúva, koʼã mbaʼe rohupytyse.