Kaaraki nakon te YA ni Katoa Wiiki

Ara Kouru bon te buokiko ni karekei kaeka nakon ami kakaewenako ao te korakora ni kaaitarai. Ti na karaoa aei rinanon kamatebwaian ana euangkerio Iesu Kristo ao ukerana bwa a kanga kairake n ikawai ni kabuta te aonaaba ni kataia ni maiuakinna.

Baika a moanibwai moa: te mwakoro aei e reke mai iroum. Ti kaitara ma iango, kakaewenako aika a boou, ao bitaki n taai aikai ni maiura. Ao ti tangiria ni kairiko rinanon aikai ni kabane. Ti tangiria naba bwa ko na ataia ae ti taraiko bwa antai ngkoe tiaki bwa ko a tia ni iein ke ko tuai, ngaia ae e aki aranaki te mwakoro aio bwa te YSA ni Katoa Wiiki. Te rongorongo aei e karaoaki ibukia kairake ni ikawai ni kabane, aika tuai iein ke aika a tia ni iein ke akea raoia, ibukina bwa korakorami iaon te Ekaretia—ao te aonaaba—e na rangi ni korakora, n aki taraaki bwa rorora ngkoe.

Ti taku naba bwa boto n iango ake ti kaaitara ma ngaai a na uaana nakoia kairake ni ikawai ni kabane, ni ikotaki ma naake a raka aia ririki iaon 30. Ti ataia bwa a na aki bitaki atuun rongorongo ao kakaewenako ake kam kan ongoraeakin e ngae ngke kam a ikawai riki. Kaangaanga ake ti kaitara ma ngaai ni boong aikai a kaineti nakoia angiina ngaira ni kabane ao a mamatoa ibukira ni kabane bwa ti na uaia n kaitarai, n aki taraaki bwa rorora ngaira.

Ti kunea bwa e kakaokoro aromi, ami reirei, maiuraoin abami, ami katei, ao baike a riki ngkai ni maiumi. Ngaia are ti na maroroakin utun rongorongo aika a kakaokoro, ao angiin ara karaki a na tauraoi nakon taetae ae mwaitia e raka iaon 20 n te Gospel Library—ti tangiria ni karoko iroumi ni kabane ao n reitaki ma ngkami ni kabane. Kairake ni ikawai ni kabuta te aonaaba a uota aia onimaki ma aia tarena nakon te Ekaretia. N taabo aika a mwaiti, tiaki ti ngaira taan kairiiri n taai aika a na roko, ti kaira te Ekaretia ni boong aikai, ni ikotaki ma tabo ake e a maan iai te Ekaretia ni kateaki. Ao korakorara e na rababa riki nakon ae ngkai, ibukina ngaira naba aia karo te roro are imwina.

E bati riki ae ti kona n taekinna iaon kakawakia ao aia konabwai kairake ni ikawai, ma ngkana ti reitinako, e na taraa n ae ti a kamoamoa (ibukina bwa ara roro e bon rangi n tamaroa). E bon mataata bwa, te Atua e kainnanoira, ti kainnanoa te Atua ao Ana Ekaretia, ao ti kainnanoira ibon imarenara. Ngkana ti katiteuanaaki, “[ti] na karaoi baika a korakora,” n aron are e taekinna Beretitenti Russell M. Nelson ibukia kairake ni ikawai. “E na anganiko te kona ni karaoi baika a taraa n aki kona ni karaoaki. …

“… Ao ngkami ‘bon te roro ae rineaki’ (1 Betero 2:9), aika a kaman rineaki iroun te Atua bwa kam na karaoa te mwakuri ae kamimi—ni buokia aomata n te aonaaba aei ibukin Kauaokin te Uea!”¹

E ngae ngke e teimatoa bitaki n te tai ao iai baika aki ataaki n taai aika imwaira, te roro ae kairake ni ikawai e kona n riki bwa te tai ni kinako ibon iroum ao n rikirake, karekean oin bukin rokora iaon te aonaaba, ao reiakinan arora ni kabotoa maiura n te euangkerio. Ti ingainga ni mwananga ma ngkami ao ara kantaninga bwa kam na teimatoa n roroko!

YA ni Katoa Wiiki e mena n te Gospel Library iaan Maekatiin ke Ikawai > Kairake n Ikawai. Ko kona naba n kunei ara karaki tabeua iaon te Riaona maekatiin, iaon te Riaona Facebook page, ao iaon te ChurchofJesusChrist.org home page.

• Tera atuun rongorongo aika ko tangiri bwa a na maroroakinaki?

• Tera karaki aika ko kan tibwauai?

• Tera am iango are iai iroum ibukira?

Ko kona ni kanakoa oin am karaki, ao am iango, ke am kaeka i aon liahona.ChurchofJesusChrist.org. Ti ingainga ni kan ongora mai iroum!