Unsay Buhaton sa Bishop?
Ang mga bishop mangulo ug makig-coordinate sa mga paningkamot sa self-reliance ward pinaagi sa ward council. Sa piho, buhaton nila kining mga mosunod:
- Motudlo sa mga miyembro sa ward bahin sa mga baruganan sa self-reliance
- Modumala sa mga pagpaningkamot sa self-reliance pinaagi sa ward council:
- Mangita ug ilhon ang mga ngalan sa tanang mga miyembro kinsa naglisud sa pagkab-ot sa temporal ug espiritwal nga mga panginahanglan sa kinabuhi.
- Mo-update sa Adult Member Self-Reliance report sa matag quarter diha sa leader.ChurchofJesusChrist.org.
- Pinaagi sa mga lider sa korum ug auxiliary, ihatag ang suporta, ang pag-mentor, ug tabang niadtong nanginahanglan.
- Modapit niadtong nanginahanglan sa pagkompleto sa My Path to Self-Reliance nga assessment ug sa pag-apil og usa ka grupo sa self-reliance; regular nga mo-follow up kanila.
- Motawag og mga ward self-reliance specialist sa pag-facilitate sa mga grupo kon gikinahanglan.
- Mopahigayon og mga interbyu sa pag-endorso sa PEF loan(tan-awa sa srs.ChurchofJesusChrist.org/loans).
- Moribyu ug molihok base sa mga self-reliance progress report ug mga PEF loan report sa ward. Ang mga bishop dili moapil sa pagpangolekta sa PEF loan.
- Mangayo og dugang nga tabang gikan sa stake self-reliance committee kon gikinahanglan.
Unsaon Nako sa Paggamit ang My Path to Self-Reliance sa One-on-One nga Miting?
Sa dili pa makigkita sa tawo:
- Kuhaa ang mga lista sa Kinamaayuhang Lokal nga Gagmayng Business Opportunities, Kinamaayuhang Lokal nga Job Opportunities, Kinamaayuhang Lokal nga Eskwelahan ug mga Programa, Kinamaayuhang Lokal nga Tigpahulam, ug Kinamaayuhang Lokal nga mga Job Search Website sa inyong dapit gikan sa manager sa Self-Reliance Services.
- Kontaka ang stake self-reliance committee sa pagsuta sa mga oras sa miting sa grupo ug sa mga lokasyon.
- Andama ang mga materyal para sa miting: pagdala og kopya sa booklet nga My Path to Self-Reliance
Atol sa miting:
- Tagda ang tawo sa mainitong paagi. Hibaloi kon unsay gipaningkamutan niyang mahimo aron mahimong self-reliant.
- Irekord ang kompletong ngalan sa tawo, ug petsa sa pagkatawo (adlaw ug bulan, dili ang tuig). Human sa miting sa grupo, adto sa srs.ChurchofJesusChrist.org/report ug sunda ang mga instruksyon sa pag-register sa tawo.
- Gamiton nato ang booklet nga gitawag og My Path to Self-Reliance aron matabangan mo nga makapadayon sa inyong dalan sa pagkahimong self-reliant.
- Sunda ang materyal diha sa booklet.