Au Epikopo


O a mea e fai e le Epikopo?

E taitai ma faamaopoopo e le Epikopo taumafaiga a le uarota mo le ola tutoatasi e ala i le aufono a le uarota. E faapitoa, lo latou faia o mea nei:

  1. Aoao tagata o le uarota i mataupu faavae o le ola tutoatasi
  2. Taiala i taumafaiga o le ola tutoatasi e ala atu i aufono a le uarota:
    • Saili ma faailoa mai ia igoa o tagata uma o le ekalesia e le o mafai ona ausia ia tulaga manaomia faaletino ma faaleagaga o le soifuaga.
    • Faafou i kuata taitasi le lipoti o le Ola Tutoatasi o Tagata Matutua i le leader.ChurchofJesusChrist.org.
    • E ala atu i taitai o korama ma ausilali, ia saunia le lagolago, faufautua, ma le fesoasoani ia i latou e le tagolima.
  3. Valaaulia i latou e le tagolima ina ia faamaea se faavasegaga O Lo'u Auala i le Ola Tutoatasi ma auai atu i se vaega o le ola tutoatasi; ma tulitatao soo ma i latou.
  4. Valaau atu i tagata faapitoa mo le ola tutoatasi a le uarota e fesoasoani i vaega pe a manaomia.
  5. Fai se faatalanoaga o le faamaoniga o se nonogatupe a le TFA (tagai srs.ChurchofJesusChrist.org/loans.
  6. Iloilo ma galue i lipoti o le alualu i luma mo le ola tutoatasi ma lipoti o nonogatupe a le TFA. E le tatau ona faaaofia ia epikopo i ’aoga o nonogatupe a le TFA.
  7. Saili se fesoasoani faaopoopo mai le komiti o le ola tutoatasi a le siteki pe a tatau ai.

E Faapefea Ona ou Faaaogaina Lo’u Auala i le Ola Tutoatasi i se Fono Taitoatasi?

Ae lei fono ma le tagata:

  • Ia maua mai lisi o Avanoa mo Pisinisi Laiti o le Lotoifale e Sili ona Lelei, Avanoa mo Galuega Sili ona Lelei i le Lotoifale, Aoga ma Polokalama Sili ona Lelei i le Lotoifale, Tagata Sili ona Lelei i le Nonoina o Tupe i le Lotoifale, Uepisaite Sili ona Lelei mo le Sailiga o Galuega mo lau eria mai le pule o Auaunaga mo le Ola Tutoatasi.
  • Faafesootai le komiti mo le ola tutoatasi a le siteki ia maua mai taimi o fonotaga ma nofoaga.
  • Saunia anomea mo le fonotaga: aumai se kopi o le tamai tusi O Lo’u Auala i le Ola Tutoatasi

I le taimi o le fonotaga:

  • Faafeiloai fiafia le tagata. Aoao mea na ia faia e taumafai ai ia ola tutoatasi.
  • Tusi le igoa atoa o le tagata, ma le aso fanau (aso ma le masina, e le o le tausaga). A maea le fonotaga, alu i le srs.ChurchofJesusChrist.org/report ma mulimuli i faatonuga e lesitala ai le tagata.
  • Tatou te faaaogaina le tamaitusi o le O Lo’u Auala i le Ola Tutoatasi e fesoasoani ia te oe ia agai i luma i lou auala i le ola tutoatasi.
  • Mulimuli i anomea o i le tamaitusi.