The LDS.org menus have changed. Learn more. close
Skip main navigation
  • Lolomi

Laugatasia ma Fetuunaiga

E tele fautuaga o i lenei tusitaiala e mafai ona fetuunai ina ia aoga i tulaga i le lotoifale. A malamalama faiaoga ma taitai i le faamoemoega o nei fautuaga, o le a musuia i latou e sue isi mea e fetaui ma manaoga o a latou talavou e sui ai. O mataupu faavae nei e le tatau ona fetuuna’ia:

  • E filifili e taitai ma faiaoga ma saunia lesona mai le iunite ua fautuaina mo le masina. E faalagolago a latou filifiliga i manaoga o le autalavou o loo latou faiaoga ai.
  • Soo se mea e mafai ai, e soalaupule e faiaoga (e aofia ai ma faiaoga o le seminare) ma fefaamalosiauai faatasi taumafaiga a le tasi ma le isi.
  • E taumafai ma le faamaoni ia faufautua ma faiaoga e aoao atu e faapei ona aoao mai e le Faaola —ma faaaofia ai le autalavou ia iloa le talalelei e ala i le auai i le faatinoga o aafiaga e aoao ai. O nei faatinoga e mafai ona aofia ai le sailia faatasi o mau, talanoaina o manatu, faasoa o aafiaga patino ma malamalamaaga, ma le tuuina atu o molimau.
  • E uunaia ia talavou ina ia faasoa i o latou aiga ma isi mea latou te aoaoina. E tatau foi ona tuu atu i ai avanoa e faiaoga ai i fonotaga ma gaoioiga i le Lotu.
  • O aoaoga uma lava i le Ekalesia e tatau ona faamalosiau ai, galueaiina ai, ma oo atu ai i aafiaga patino faaleagaga i tatalo faaletagata lava ia, suesueina o tusitusiga paia, manatunatu loloto, ola ai i le talalelei i aso taitasi, ma le auauna atu i isi. O le mea moni, o lenei taumafaiga faaletagata lava ia, o le ki lea i le liua.