Ianuari: O Le Aiga Atua

“Matou te talitonu i le Atua, le Tama Faavavau, ma Lona Alo o Iesu Keriso, ma le Agaga Paia” (Mataupu Faavae o le Faatuatua 1:1).

O otootoga i lenei iunite o le a fesoasoani i le autalavou e aoao i le auala e faamalolosia ai lo latou faatuatua i sui o le Aiga Atua a o latou suesueina tusitusiga paia ma faasoa atu a latou molimau i isi. O le a latou maua se aafiaga e ala i le mulimuli i le taitaiga a le Agaga Paia i a latou taumafaiga e aoao mai ma aoao atu le talalelei. Uunai i latou e fai ni fesili e uiga i mea o loo latou aoaoina, ia saili e aoao atili, ma fefaasoaai ma isi i mea latou te iloaina.

Otootoga e filifili mai ai i le masina lenei:

• E faapefea ona fesoasoani mai le Agaga Paia ia ou aoao?
• E mafai faapefea e le suesueina o tusitusiga paia ona fesoasoani ia te au e aoao e uiga i le Tama Faalelagi?
• E mafai faapefea ona ou fesoasoani i isi ia aoao e uiga i le Tama Faalelagi?
• E mafai faapefea ona ou aoao ia iloa le aao o le Tama Faalelagi i mea uma?
• E faapefea ona fesoasoani mai le Agaga Paia ia te au e aoao atu le talalelei?

Faaaliga i le faiaoga

I le faagasologa o lenei iunite, atonu e te manao e toe faamanatu atu i le autalavou o suafa o le Atua e paia (tagai MF&F 63:61). Uunaia i latou e faaaoga ma le migao ma le faaaloalo nei suafa.