Iien ko Rem̧m̧an an Mijinede ro Rerūtto
Juon iaan wāween ko rem̧m̧antata n̄an ripālele ro n̄an kōmm̧an ememļo̧kjen ko rem̧m̧an ej n̄an jerbale uon mijen ippān doon.
N̄e ro mōttad ro rej 60 ak 70 aer iiō remeļo̧kļo̧k jet men, ekkā ad kōm̧m̧an kōjak im ba remālele āinwōt “iien ko rem̧m̧an an rūtto” Ak ikōņaan kōmeļeļeik juon iaan oktak ko ilo iien ko rem̧m̧an an rūtto—juon iien em̧m̧an me ememļo̧kjen ko renaaj n̄an indeeo. Ej juon iien em̧m̧an n̄e ripālele ro rej mijenede rej kile bwe rej kōm̧m̧an ekkar n̄an ta eo Irooj enkar kōņaan bwe ren kōm̧m̧ane. Ilo kain iien rot kein rem̧m̧an rej kile bwe:
-
Ewōr aer iminene ilo aolepān mour eo aer n̄an kwaļo̧k, im taļōņ ko, kapāāl ko, im remaron̄ kōjerbal meļeļe ko aer kōn gospel n̄an kōjeraam̧m̧an ro jet.
-
Waanjon̄ak ko aer ej juon kōjeraam̧m̧an n̄an ro nejier im ro jibūier.
-
Ilo aer jerbal rej kōm̧m̧an juon jemjerā eo ejjeļo̧k jemļo̧kin.
-
Mare eo aer ej kajoorļo̧k aolep raan.
-
Jerbal in jipan̄ ilo Etan em̧m̧an.
Iien ko rem̧m̧an n̄an Ekkatak
Ro mōtta, Ripālele ro rerūtto, elōn̄ iaami rej aikuj kajieon̄ n̄an kaminene im ekkatak ilo tōre ņe. Ļōmņak kōn bwebwenato eo jān Elder Jeffrey R. Holland ilo Doulul eo an Rijilōk ro Jon̄oulruo kōn ta eo me ripālele ro rerūtto me rej mijinede ro rej jerbal ilo Chile raar maron̄ kōm̧m̧ane. Ro jinen im jemān juon elder, ro raar mej. Mijen Būreejtōn eo eaar pād ettoļo̧k jān mijenede in im eaar jab maron̄ mōkaj an tōpar mijinede in.
“Ak ekar wōr ripālele ro rerūtto me rej mijinede ro rem̧m̧an raar jerbal ilo eria eo,” Elder Holland eba. “Raar itok im jijjet ippān mijinede eo im būromōjļo̧k ippān im kaenōm̧m̧ane m̧ae iien mijen būreejtōn eo eaar maron̄ tōpar e. Ewōr mijinede ro rem̧m̧an ilo mijen ko ad, ak ejjeļo̧k juon mijinede edik emaron̄ kar kōm̧m̧ane āindein n̄an elder in ta eo ripālele rein raar kōm̧m̧ane.”1
Kapāāl ko aer ilo tōre eo eaar lukkun kwaļo̧k tūriam̧o ilo juon iien aikuj. Raar jab ļōmņak kōn ta eo ren kar ba ijjeļo̧kin wōt aer kwaļo̧k iakwe eo an Kraist. Raar jab inepata kōn aer jab pād ilo iien kemem an juon jibūier ak kōjeraam̧m̧an an nin̄nin̄ ko jibūier, āinwōt an lukkuun bar aorōk tōre ko n̄an er. Raar ļōmņak wōt kōn ijo me Irooj enkar kōjerbal er n̄an kōjeraam̧m̧an mour an juon iaan ajri ro Nejin. Im kōnke raar kōņaan, Eaar jab maron̄ kōtļo̧k bwe ren bōk Jikin.
Jerbal in Jipan̄ ej juon Iien Em̧m̧an im Jeja
Mool eo ej bwe, ejjeļo̧k mijinede rerūtto rej lo bwe em̧m̧an n̄an etal ettoļo̧k jān m̧ōko mweer. Josep Smith, Brigham Young, John Taylor, ak Wilford Woodruff raar bar kōņaan etal ettoļo̧k jān m̧ōko mweer. Eaar wōr nejier im jibūier barāinwōt, im raar iakwe baam̧le ko aer āinwōt ad iakwe baam̧le ko ad. Ak raar barāinwōt iakwe Irooj im kōņaan jerbal n̄an E. Juon raan jemaron̄ bar ioon armej rein reperan ilo tōmak, ro raar jipan̄ ejaake epepen in. N̄e jej kōm̧m̧an āindein, jenaaj lan̄lōn̄ bwe jaar jab kōjekdoon jerbal in n̄e emenin aikuj bwe jen jerbal.
Jet remaron̄ kōņaan jerbal ilo ejja jikin eo wōt rej pād ie. Ālkin an kar Aase Schumacher Nelson mej rājet in ānbwinni (ejjab nuku) im kar aikuj kōjerbal wiiljea, eaar inepata bwe ikdeleel eo an n̄an kōm̧m̧an jerbal in mijinede eo an ippān ļeo ippān en kar jab kūrm̧ool. Innām juon rūtūrūier eaar kōnnaan ippāer kōn jerbal in mijinede eo an ilo bisop storehouse. Ke kar rōjan̄ er jān eo rūtūrūier, raar kōnnaan ippān juon boss ilo jikin eo, im eaar kadedeikļo̧k peba in mālim ko aer, im kar kūr er n̄an jerbal ruo raan kajjojo wiik ilo storehouse eo epaake m̧weo im̧weer.
“Epidodo bwe ren kar pād bajjōk, ‘O, Ejjeļo̧k tokja kiiō,’” Aase Nelson eba. “Ak kiiō ij en̄jake bwe rej aikuj eō. Im ekar juon naan in kam̧ool n̄an eō.”
Eļap Aikuj Eok
Eļan̄n̄e kwoj po ilo ļōmņak kein bwe ejjeļo̧k tokjōm, ij kam̧ool n̄an eok ke ewōr tokjōm. Ejjeļo̧k juon mijen būreejtōn ilo Kabun̄ in eo me eban kōņaan bwe en lōn̄ļo̧k ripālele ro rej jerbal ilo mijen eo an. Ro rerūtto rej kakajoorļo̧k elder im sister ro. Rej leļo̧k eļap n̄an jipan̄ ro jet n̄an kōkm̧anm̧anļo̧k eddo ko aer make. Im komaron̄ ke pijaikļo̧k ta meļeļein juon ritōl eo me ej kab jino membōr ium̧win jejjo iiō n̄an bōk jipan̄ jān membōr ro me eļapļo̧k imenene ko ippāer? Ripālele ro rerūtto me rej mijinede ekkā aer uwaake jar ko an bisop ro im branch būreejtōn ro.
Jej rojan̄ mijen būreejtōn ro n̄an kappok ripālele ro me rej karbōb n̄an kōm̧m̧ane jerbal in mijenede ilo mijen ko aer. Bisop ro rej aikuj kappok ripālele ro me remaron̄ jerbal in mijinede. LDS.org ej kōlaajraki peij ko im peij ko me ewōr iien em̧m̧an n̄an ripālele ro rerūtto. Ak eļaptata, ripālele ro remaron̄ bukweļōļō im kajjitōk ippān Jemedwōj Ilan̄ eļan̄n̄e iien ko rekkar n̄an er n̄an kōm̧m̧ane jerbal in mijinede ko aer ippān doon. Kōn menin, eļan̄n̄e ewōr ami ikdeelel n̄an jerbal n̄an Anij ej kūr kom̧ n̄an jerbal in (lale K&B 4:3).
Ilo aō nōbar jerbal an mijinede ro rerūtto, Ij kile bwe elōn̄ ro me rekōņaan jerbal ak rejjab maron̄ kōm̧m̧ane. Menin kapan̄pan̄ ko remaron̄ kōn iiō ak nan̄inmej ko me rej aikuj lukkun etali, rej aikuj kōn men ko reaorōk an ro uwaan baam̧le eo. N̄e kwoj lukkun ikdelel n̄an kōm̧m̧ane jerbal in mijinede eo am, ak eļōn̄ men ko rej kōbōjrak eok jān am kōm̧m̧ane, ro jet remaron̄ peim im neem, im remaron̄ lewaj aikuj ko am ikkijeen jāān.
Ripālele ro rerūtto, jekdoon wōn kwe ak ia eo kwoj jokwe ie, jouj im jar kōn juon iien em̧m̧an n̄an ejaake juon tōre em̧m̧an ippān doon āinwōt jet mijinede ro rerūtto. Jemedwōj Ilan̄ enaaj jipan̄ eok jeļā ta eo komaron̄ kōm̧m̧ane.