Kapitulo 31
Si Kapitan Moroni Mibuntog ni Zerahemnah
Ang mga Nephite buot nga magpabilin ang ilang yuta ug ilang mga banay nga gawasnon. Sila usab buot nga mahimong gawasnon sa pagsimba sa Dios.
Si Kapitan Moroni mao ang pangulo sa mga Nephite nga mga kasundalohan. Sa diha nga ang mga Lamanite miabot aron sa pagpakig-away, si Moroni ug ang iyang mga kasundalohan misugat kanila diha sa yuta sa Jershon.
Si Kapitan Moroni miandam sa iyang mga sundalo og mga hinagiban, mga taming, kalasag, ug baga nga mga sapot.
Ang mga Lamanite adunay labaw ka daghan nga mga sundalo apan nangahadlok sa dihan nga ilang nakita ang kalasag sa mga Nephite—ang mga Lamanite nagsul-ob og gamay kaayo nga sapot.
Ang Lamanite nga mga sundalo wala mangahas sa pagpakig-away sa mga sundalo ni Kapitan Moroni. Ang mga Lamanite nanagan ngadto sa kamingawan ug mihukom sa pagsulong sa lain nga dakbayan sa mga Nephite.
Si Moroni mipadala og mga tigpaniid aron sa pagbantay sa mga Lamanite. Siya usab mihangyo kang Alma sa pag-ampo ngadto sa Ginoo alang sa panabang. Ang Ginoo misulti kang Alma diin ang mga Lamanite mosulong.
Sa diha nga si Moroni nakadawat sa mensahe ni Alma, siya mipabilin og pipila ka mga sundalo aron sa pagbantay sa Jershon ug mipalakaw sa uban kanila aron sa pagsugat sa mga Lamanite.
Ang mga sundalo ni Kapitan Moroni mitago sa duha ka mga kilid sa suba sa Sidon, naghulat sa paglit-ag sa Lamanite nga mga sundalo.
Usa ka gubat misugod, ug ang mga Lamanite misulay sa pag-ikyas pinaagi sa paglabang sa suba, apan daghan pa nga mga Nephite ang naghulat alang kanila sa pikas nga bahin.
Nagkig-away sa mas labi kay sa ila nga nahimo sa nangagi, si Zerahemnah ug ang iyang mga sundalo nakapatay og daghan nga mga Nephite. Ang mga Nephite mitawag ngadto sa Ginoo alang sa panabang.
Ang Ginoo milig-on sa Nephite nga mga sundalo. Ang mga sundalo milibot sa mga Lamanite, ug si Moroni mimando sa paghunong sa panag-away.
Si Moroni misulti kang Zerahemnah nga ang mga Nephite dili buot nga mopatay sa mga Lamanite o mohimo kanila nga ilang mga ulipon.
Si Moroni miingon nga ang mga Lamanite dili makalaglag sa hugot nga pagtuo sa mga Nephite diha ni Jesukristo. Siya miingon nga ang Dios mopadayon sa pagtabang sa mga Nephite sa pagpakig-away kung magpadayon sila nga matinud-anon.
Si Moroni mimando kang Zerahemnah sa pagtugyan sa iyang mga hinagiban. Ang mga Lamanite dili pagapatyon kon sila mosaad nga dili na gayud makig-away sa mga Nephite pag-usab.
Si Zerahemnah mihatag kang Moroni sa iyang mga hinagiban apan dili mosaad nga dili na makig-away. Si Moroni mitunol og balik sa mga hinagiban aron ang mga Lamanite makapanalipud sa ilang mga kaugalingon.
Si Zerahemnah mihasmag kang Moroni aron sa pagpatay kaniya, apan usa ka Nephite nga sundalo miigo ug mibuak sa espada ni Zerahemnah.
Unya ang sundalo milaplap sa panit sa bagolbagol ni Zerahemnah, mibutang niini sa tumoy sa iyang espada, ug giisa kini ngadto sa itaas.
Ang mga Lamanite mapukan ingon sa panit sa bagolbagol nga nahulog, siya miingon kanila, gawas kon sila motugyan sa ilang mga hinagiban ug mosaad nga dili na gayud makig-away pag-usab.
Daghan nga mga Lamanite ang mibutang sa ilang mga hinagiban sa tiilan ni Moroni ug misaad nga dili na makig-away. Sila gitugutan sa paglakaw nga gawasnon.
Sa kapungot, si Zerahemnah mihulhog sa nahibilin sa iyang mga sundalo sa pagpakig-away. Ang mga sundalo ni Moroni mipatay og daghan kanila.
Sa diha nga Zerahemnah nakakita nga siya ug ang tanan niyang mga tawo mangamatay siya mipakilooy kang Moroni sa pagpabuhi kanila. Siya nga dili na gayud makig-away sa mga Nephite pag-usab.
Si Moroni mipahunong sa away ug mikuha sa mga hinagiban sa mga Lamanite. Human sila mosaad nga dili na makig-away ang mga Lamanite mibiya.