Ծննդոց 42-50

Վերականգնման ժամանակ Ջոզեֆ Սմիթին և Սրբերին ավելի ճշգրիտ ուսուցանեցին Հիսուս Քրիստոսի բնավորության և առաքելության մասին: Դուք կարող եք խորհել, թե ինչպես է Հովսեփի դերն իր ընտանիքում նման Փրկիչի դերին Աստծո ընտանիքում: Ի՞նչ զուգահեռներ եք տեսնում Հովսեփի փորձառությունների և Փրկիչի առաքելության միջև, ով ուղարկվել էր «փրկելու [մեզ] մեծ ազատումով»։ (Ծննդոց 45.7):

Կարդալով Հովսեփի մասին, թե նա ինչպես ներեց իր եղբայրներին այն սոսկալի արարքները, որոնք նրանք գործեցին իր հանդեպ, կարող են հուշել ձեզ մտածել մեկի մասին, ում ներելու համար ներկայումս մաքառում եք: Կամ գուցե ներելու մի դժվարին ստուգարք ձեզ ապագայում է սպասվում: Ամեն դեպքում, դա կարող է օգնել խորհել, թե ինչու Հովսեփը կարողացավ ներել: Հովսեփի բնավորության և վերաբերմունքի ի՞նչ ակնարկներ եք գտնում Ծննդոց 45-ում, 50.15–21հատվածներում: Ինչպե՞ս կարող էին նրա փորձառություններն ազդել նրա վրա` ավելի ներող լինելու համար: Ի՞նչ է հուշում Հովսեփի օրինակը այն մասին, թե դուք ինչպես կարող եք դառնալ ավելի ներող Փրկիչի օգնությամբ:

Ուշադրություն դարձրեք նաև այն օրհնություններին, որոնք եկան Հովսեփի ընտանիքին` իր ներողամտության շնորհիվ: Ի՞նչ օրհնություններ եք դուք տեսել ներողամիտ լինելու շնորհիվ: Արդյո՞ք զգում եք ոգեշնչում` օգնության հասնել ինչ- որ մեկին, ով ձեզ վիրավորել է:

Տես նաև Ծննդոց 33.1–4, Վարդապետություն և Ուխտեր 64.9–11, Լարի Ջ. Էքո Հոք, «Ինչպես Քրիստոսն էլ ձեզ ներեց, այնպես էլ դուք», Լիահոնա, մայիս 2018, 15–16:

Իր հետնորդներին Հակոբի տված օրհնությունները վառ պատկերներ են պարունակում, բայց որոշ ընթերցողներ, գուցեև դժվարանան հասկանալ: Բարեբախտաբար, վերականգնված ավետարանը տալիս է մեզ որոշ լրացուցիչ հասկացողություն: Երբ դուք կարդաք Հովսեփի օրհնությունները Ծննդոց 49.22–26-ում, կարդացեք հետևյալ հատվածները նույնպես և տեսեք, թե ինչ գաղափարներ են դրանք տալիս. 1 Նեփի 15.12, 2 Նեփի 3.4–5, Հակոբ 2.25, Վարդապետություն և Ուխտեր 50.44:

Երբ կարդաք Հուդայի օրհնության մասին Ծննդոց 49.8–12-ում, հիշեք, որ ինչպես Դավիթ թագավորը, այնպես էլ Հիսուս Քրիստոսը, Հուդայի հետնորդներ են: Ո՞ր բառերն ու արտահայտություններն են այս հատվածներում հիշեցնում ձեզ Փրկիչի մասին: Երբ ուսումնասիրեք Հուդայի օրհնությունը, կարող է նաև օգտակար լինել կարդալ Հայտնություն 5.5–6, 9, 1 Նեփի 15.14–15, Վարդապետություն և Ուխտեր 45.59, 133.46–50հատվածները:

Եթե կամենաք ավելի շատ բան իմանալ Հակոբի որդիների և Իսրայելի ցեղերի մասին, ովքեր սերվել են նրանցից, յուրաքանչյուրի համար կա գրառում Սուրբ Գրքերի ուղեցույցում (scriptures.ChurchofJesusChrist.org):

Հովսեփի երազների միջոցով (տես Ծննդոց 37.5–11) և ուրիշների երազների նրա մեկնաբանություններով (տես Ծննդոց 40–41) Տերը հայտնի դարձրեց բաներ, որոնք տեղի էին ունենալու օրեր կամ տարիներ հետո ապագայում: Բայց Տերը նաև հայտնեց Հովսեփին, թե ինչ էր պատահելու եկող դարերի ընթացքում: Մասնավորապես, նա իմացավ Մովսեսի և Ջոզեֆ Սմիթի մարգարեական առաքելությունների մասին: Երբ կարդաք Հովսեփի խոսքերը Ծննդոց 50.24–25 և Ջոզեֆ Սմիթի թարգմանությունը 50.24–38 (Աստվածաշնչի հավելվածում), հարցրեք ինքներդ ձեզ, թե այս բաների իմացությունն ինչպես կարող էր օրհնել Հովսեփին և Իսրայելի զավակներին: Ինչո՞ւ եք կարծում, որ Տիրոջ համար կարևոր էր վերականգնել այս մարգարեությունը Ջոզեֆ Սմիթի միջոցով (տես նաև 2 Նեփի 3):

Ինչպե՞ս է Ջոզեֆ Սմիթն իրականացրել մարգարեությունները, որոնք տրված են Ջոզեֆ Սմիթ թարգմանություն, Ծննդոց 50. 27–28, 30–33-ում (տես Վարդապետություն և Ուխտեր 1.17–23, 20.7–12, 39.11, 135.3):

Նկար

Հովսեփը Եգիպտոսից տեսավ տեսիլք, թե ինչպես Ջոզեֆ Սմիթը ստացավ ոսկյա թիթեղները: