“Me 13–19. Mataio 19–20; Mareko 10; Luka 18: ‘Se a Se Mea o Toe Ou Te Lei Faia?”” Sau, Mulimuli Mai ia te Au—Mo le Peraimeri: Feagaiga Fou 2019 (2019)
“Me 13–19. Mataio 19–20; Mareko 10; Luka 18,” Sau, Mulimuli Mai ia te Au—Mo le Peraimeri: 2019
13--19 Me
Mataio 19–20; Mareko 10; Luka 18
Se A se Mea o Toe Ou Te Lei Faia?
Faitau le Mataio 19–20; Mareko 10; ma le Luka 18, ma mafaufau i tamaiti o loo e aoaoina. Tusifaamaumau soo se lagona uunai e te maua. O lau tapenaga o le a fesoasoani ia te oe e aoao tamaiti i mea latou te manaomia ona iloa mai nei mataupu.
Tusifaamaumau Ou Lagona Uunai
Valaaulia le Fefaasoaai
Valaaulia tamaiti e faamatala mai i le vasega se mea latou te fiafia ai i o latou aiga. Fesili foi i matua o tamaiti e aumai ni ata o o latou aiga mo tamaiti e fefaasoaai ai ma le vasega.
Aoao atu Aoaoga Faavae
Tamaiti Laitii Ifo
E finagalo le Tama Faalelagi ia tatou faaipoipo i totonu o le malumalu ma maua ni aiga e faavavau.
E mafai faapefea ona manuia tamaiti o loo e faiaoga ai mai le aoaoina e uiga i le aoaoga faavae o le faaipoipoga e faavavau? E ono fesoasoani le faasino i le “O Le Aiga: O Se Folafolaga i le Lalolagi” (Ensign po o le Liahona, Nov. 2010, 129).
Gaoioiga e Mafai Ona Fai
-
Faitau le Mareko 10:6–8 i tamaiti, ma faaali se ata o se ulugalii faaipoipo. Fai i tamaiti e faasino i le tamaloa ma le fafine pe a latou faalogo ua faitau upu alii ma le tamaitai. Faamalamalama ua faamoemoe le Tama Faalelagi mo le tane ma le fafine ia faaipoipo le tasi i le isi (tagai Kenese 1:27–28).
-
Faaali ia ata o se aiga ma se malumalu. Faamalamalama e finagalo le Tama Faalelagi ia faamauina i tatou i o tatou aiga i le malumalu ina ia mafai ai ona tatou faatasi ma i latou e faavavau. Ia nofouta i tamaiti e lei faamauina o latou matua.
-
Usu le “O Se Aiga Fiafia,” Tusipese a Tamaiti, 104. Valaaulia tamaiti e faasino ia i latou lava i soo se taimi latou te usu ai le “Ou te,” “a’u,” “tatou,” ma le “matou.” E mafai ona fai faafia lenei gaoioiga. Valaaulia tamaiti e faasoa ni mea malie sa latou faia ma o latou aiga. Aisea latou te faafetaia ai o latou aiga?
-
Usu se pese e uiga i le malumalu po o aiga, e pei o le “Ou te Fia Vaai i le Malumalu” po o le “E Mafai Na Faavavau Aiga,” Tusipese a Tamaiti, 99, 98. Tuu i tamaiti e tuu luga ata o malumalu po o aiga, ma valaaulia i latou e tuu i luga ata pe a latou usuina le “malumalu” po o le “aiga.” Aisea e taua ai le faaipoipo i totonu o le malumalu
Faaipoipoga e Faavavau o se vaega o le fuafuaga a le Atua.
E manao Iesu i tamaiti laiti e o mai ia te Ia ina ia mafai ai ona Ia faamanuia i latou.
O lenei tala ua saunia ai se avanoa e fesoasoani ai i tamaiti ia lagonaina le tele o le alofa o Iesu ia i latou.
Gaoioiga e Mafai Ona Fai
-
I au lava upu, faasoa atu le tala o i le Mareko 10:13–16 E mafai foi ona e faaali atu le vitio “Suffer the Little Children to Come unto Me” (LDS.org). O anafea na lagona ai e tamaiti le alofa o Iesu mo i latou? Tuu atu lau molimau i tamaiti e alofa Iesu ia i latou ma e manao e faamanuia i latou.
-
Faaali le ata o le Keriso ma Tamaiti (Tusi Ata o le Talalelei, nu. 47). Faamalamalama atu afai tatou te mananao ia pei o tamaiti o loo nonofo i autafa o Iesu e mafai ona tatou mulimuli i Ana poloaiga ma alolofa ia te Ia ma isi tagata. O le a se mea e mafai e tamaiti ona fai ia pei ai o tamaiti o loo nonofo i autafa o Iesu?
-
Tuu i tamaiti e tusi ni ata o i latou lava ua faamanuiaina e Iesu (tagai Mareko 10:16).
Afai tatou te usitai i Ana poloaiga, o le a tatou mauaina le ola e faavavau.
Na aoao atu e Iesu le taulealea ina ia maua le ola e faavavau—o se olaga e pei ona i ai le Tama Faalelagi— tatau ona ia usitai i poloaiga.
Gaoioiga e Mafai Ona Fai
-
Faitau faatasi ma tamaiti le tala i le taulealea mauoa i le Mareko 10:17–22 (Tagai foi “Mataupu 42: O Le Taulealea Mauoa,” Tala o le Feagaiga Fou, 105–6, poo le vitio e o faatasi ai i luga o le LDS.org.) Fai i ai e faalogologo mo mea na ta’u atu e Iesu i le taulealea e fai ma pe na faapefea ona tali atu le taulealea.
-
Faamatala se tala se tasi pe sili atu e uiga i tamaiti sa fesili atu mo se fautuaga poo se taitaiga mai o latou matua ae lei mulimuli ai pe usitai. O a ni nai mea ua poloaiina ai i tatou e le Tama Faalelagi e fai? O a ni o tatou lagona pe a tatou usitai i Ana poloaiga?
-
Faasoa mai ni aafiaga ina ua e maua ni uunaiga patino e fai se mea ia e lelei atili atu.
Aoao atu Aoaoga Faavae
Tamaiti Matutua Atu
E finagalo le Tama Faalelagi ia tatou faaipoipo i totonu o le malumalu ma maua ni aiga e faavavau.
O mea na aoao mai e Iesu e uiga i le faaipoipoga e mafai ona fesoasoani ai i tamaiti pe a latou feagai ma savali feteenai i le lalolagi.
Gaoioiga e Mafai Ona Fai
-
Fai i se tasi o tamaiti e faitau leotele le Mareko 10:6–8 Faamalamalama atu o le pipiimau o lona uiga ia “mau ai” po o le “taofi mau i” se mea. Aisea e taua ai le soofaatasi o tane ma ava, fealofani, ma galulue o ni paaga?
-
Faasoa atu faamatalaga ia mai le “O Le Aiga: O Se Folafolaga i le Lalolagi,” ma fesoasoani ia malamalama tamaiti i le uiga o le: “O le itupa o se uiga taua o tagata taitoatasi i le muai olaga, olaga nei, ma le faasinomaga ma le faamoemoega e faavavau.”
-
Fai i tamaiti e fesoasoani atu ia e mafaufau i tali o fesili e pei o le “Aisea e taua ai aiga i le Ekalesia?” poo le “Aisea e taua ai mo oe le faaipoipo i totonu o le malumalu?” Usu faatasi le E Mafai Ona Faavavau Aiga,” Tusipese a Tamaiti, 9. Faasoa atu lau molimau i le faaipoipoga e faavavau ma le aiga faatasi ma tamaiti. Valaaulia tamaiti e faasoa mai foi a latou molimau.
-
Valaaulia tamaiti taitoatasi e faitau se mau mai le lisi lea: Mareko 10:6–8; 1 Korinito 11:11; MFF 42:22; 131:1–4; ma le Mose 3:18, 21–24. O a mea o aoao mai e nei mau e uiga i le faaipoipoga
E mafai ona fesoasoani mai Iesu ia te au ia ou iloa le mea e tatau ona ou faia ina ia alualu ai i luma.
Na saili e le taulealea mauoa ia Iesu ma mauaina ai le faatonuga patino lea na patino lava na o ia. E mafai faapefea ona e musuiaina tamaiti e sailia se taitaiga faapena i o latou lava olaga?
Gaoioiga e Mafai Ona Fai
-
Fai i tamaiti e sue se fuaiupu i le Mareko 10:17–22 o loo faamatala mai ai le ata o i le otootoga o lenei vaiaso i le Sau, Mulimuli Mai ia te Au—Mo Tagata Taitoatasi ma Aiga. Faamalamalama atu o le fautuaga na tuu atu e Iesu i le taulealea sa patino, ma e mafai ona tatou maua uma se taitaiga patino mai le Alii e ala mai i le Agaga.
-
Faitau faatasi le Mareko 10:17–22. Valaaulia tamaiti e tusi i le laupapa ia poloaiga na ta’u atu e le Faaola i le taulealea mauoa e usitai i ai (tagai fuaiupu 19). O le a le isi mea sa tatau ona ia faia? (tagai fuaiupu 21). Fautuaina tamaiti e mafaufau i mea latou te moomia ona amata ona fai pe tuu le faia ina ia mulimuli atili ai ia Iesu. O a ni nai auala e mafai ona tatou iloa ai mea e manao Iesu tatou te faia
Fautuaina le Aoaoina i le Aiga
Valaaulia tamaiti e faamatala i o latou aiga le mafuaaga latou te faafetai ai mo i latou, pe tusi sina faamatalaga e ave i o latou matua pe faasoa foi a latou molimau i aiga i le taimi o afiafi faaleaiga.
Faaleleia o Lo Tatou Aoao Atu
Mata’itu tamaiti. O faapefea ona tali atu tamaiti o lau vasega i gaoioiga e aoao ai? Afai e foliga mai e le o gauai tele atu, atonu ua oo i le taimi e taumafai ai se isi gaoioiga pe o foi e fai sina savalivaliga puupuu ma le migao. I se isi itu, afai o e mataua o loo gauai atu tamaiti ma aoao mai se vaega patno o le lesona, aua nei e taumafai e faagasolo pea ina ia tau lava ina uma anomea o le lesona.