Mataupu 26
O Malo e Tolu o le Lagi
16 Fepuali 1832
O le tasi aso sa faitau ai e losefa Samita ma Sini Rikitone le Feagaiga Fou. Ua tusia i le Feagaiga Fou o tagata lelei e o i le lagi pe a mavae ona toe tutu mai. Sa le malamalama losefa pe o tagata uma i le nofoaga e tasi i le lagi. Sa oo ina tatalo atu losefa ma Sini. Sa laʻua ole atu i le Tama o i le lagi e taʻu mai ia i laʻua e uiga i le lagi.
Sa tali mai le Tama o i le lagi i la laʻua talosaga. Sa oo mai ia i laʻua se faaaliga. O se faaaliga matagofie lava. Sa vaai losefa ma Sini i le lagi i lea faaaliga. Sa laʻua vaai ia lesu ua siomia i se malamalama pupula lava. Sa laʻua vaai foi i agelu ua sioimia ai lesu ma le Tama o i le lagi.
Sa fai mai losefa ma Sini ua laʻua mautinoa o loo soifua lesu. Sa laʻua vaai ia te ia! Sa faalogo foi losefa ma Sini i se siufofoga. Sa fetalai mai lea siufofoga o lesu o le Alo o le Atua. Sa ia afio mai i le lalolagi, ma faaali mai i tagata uma lava le auala e tatau ona latou ola ai, ina ia mafai ona latou toe mau faatasi ma le Tama o i le lagi.
Ona vaai lea o losefa ma Sini i le mea e o i ai tagata pe a uma ona toe tutu mai. E tolu nofoaga o le lagi e o atu i ai tagata. O tagata amio tonu e o i le malo selesitila. O le malo selesitila o le malo lea o loo afifio ai le Tama o i le lagi ma lesu.
O tagata amio tonu o le au paia, sa faatuatua ia lesu aʻo latou ola i le lalolagi. Sa aoaoina i latou e le Agaga Paia i le ala latou te ola ai.
O tagata amio tonu o le au paia, e tele faigata na oo i ai, peitai sa latou faatuatua pea. Sa fesoasoani lesu ia i latou i taimi o faalavelave. Sa latou galulue malosi. Sa latou salamo ma usiusitai i poloaiga uma a le Atua. Sa faaosooso i latou e Satani, peitai, sa latou le mulimuli ia te ia.
O tagata amio tonu o le au paia, e avea i latou faapei o le Tama o i le lagi ma lesu. O le a latou iloa mea uma. O le a latou atoatoa. O le a avea i latou ma atua.
Ona iloa atu lea e losefa ma Sini se tasi nofoaga. O le igoa o lea nofoaga, o le malo teresitila. E i ai tagata o le a o atu i le malo teresitila pe a uma ona toe tutu mai.
O tagata e o i le malo teresitila, o tagata sa amio lelei i le lalolagi. Peitai sa lei avea i latou ma ni tagata amio tonu o le au paia. Sa latou le faatuatua ia lesu. Sa latou usiusitai i nisi o poloaiga a le Atua. A e sa latou le usiustai i poloaiga uma.
Sa latou le talitonu i le tala lelei ina ua latou faalogo i ai i le lalolagi. A e faatoʻa latou talitonu i ai ina ua latou feoti.
O le a vaai tagata e nonofo i le malo teresitila ia lesu. A e e le mafai ona latou nonofo faatasi ma le Tama o i le lagi ma lesu. E le avea i latou ma ni atua.
Sa vaai losefa ma Sini i se nofoaga lona tolu. Ga faaigoa lea nofoaga o le malo telesitila. O i latou e nonofo i lea malo, o i latou ia e lei amio tonu i le lalolagi.
O tagata ia e lei talitonu ia lesu. Sa latou le talitonu foi i perofeta. E lei papatisoina foi i latou. Sa latou le usiusitai foi i poloaiga a le Atua.
O tagata e nonofo i le malo telesitila, e le mafai ona latou vaai ia lesu po o le Tama o i le lagi. E asiasi mai ia i latou agelu. O le Agaga Paia e aoaoina i latou. O le a latou iloa e uiga ia lesu ma le Tama o i le lagi. A e e le mafai ona latou nonofo faatasi ma i laʻua.
O tagata e o i le malo selesitila ma le malo teresitila, o le a toe tutu mai pe a toe afio mai lesu. Aʻo tagata e o i le malo telesitila, e le tutu mai pe a toe afio mai lesu. O le a latou faatali seia mavae le 1,000 o tausaga ona toe tutu mai lea.
Sa vaai losefa ma Sini i ie mea o le a o i ai tagata agasala. O le a latou nonofo faatasi ma Satani. E !e mafai ona latou nonofo faatasi ma le Tama o i le lagi ma lesu ma le Agaga Paia.
O tagata o le a nonofo faatasi ma Satani, sa latou iloa le tala lelei i le lalolagi. Sa aoao atu ia i latou e le Agaga Paia e uiga ia lesu Keriso.
Sa latou iloa o loo soifua iesu. Sa latou iloa na maliu lesu mo i tatou. Peitai sa paʻuʻu i faaosoosoga a Satani ma ana taumafaiga ia latou fai mea leaga. Sa latou usiusitai ia Satani. Sa latou le toe faalogo i le Agaga Paia. Sa latou le toe talitonu ia lesu Keriso. Sa avea i latou ma ni tagata amio leaga tele. O le a latou nonfo faatasi ma Satani e faavavau.
E i ai foi isi mea na vaai i ai losefa ma Sini i lenei faaaliga. Peitai sa poloai mai lesu ia i laʻua e ʻaua nei o laʻua tusia mea uma sa laʻua vaai i ai. O le a iloa lava e tagata amio tonu o le au paia ia mea mo i latou lava. O le a aoaoina i latou e le Agaga Paia. Sa oo ina faafetai atu losefa ma Sini i le Atua mo lenei faaaliga matagofie.