Ang Paggamit Niini nga Libro

Ang mga hulagway niini nga libro gihan-ay sa unom ka mga seksyon: Daang Tugon, Bag-ong Tugon, Basahon ni Mormon, Kasaysayan sa Simbahan, Naglihok nga Ebanghelyo, ug mga Propeta sa Ulahing mga Adlaw. Mahimo ninyo nga gamiton kini nga mga litrato alang sa pagkat-on ug pagtudlo diha sa panimalay o sa simbahan. Ang lista sa ubos naghatag og mahulagwayon nga ulohan alang sa matag litrato ingon man usab sa mga pakisayran sa mga kasulatan ug ubang mga kapanguhaan nga magamit sa pagkat-on ug sa paghisgut sa mga hulagway. Ang pagsiksik niining nag-uban nga mga kasulatan ug mga kapanguhaan mopalig-on sa inyong pagsabut sa mga panghitabo ug mga baruganan sa ebanghelyo nga gilarawan. Hunahunaa ang mosunod nga mga ideya alang sa paggamit sa mga hulagway ug sa mga pakisayran:

• Dapita ang mga indibidwal sa pagsiksik sa mga kasulatan o sa ubang mga kapanguhaan nga mag-uban sa usa ka piho nga litrato. Hangyoa sila sa pagbasa o sa pagmubo niini nga materyal sa panahon sa usa ka panaghisgutan kabahin sahulagway.

• Hangyoa ang pamilya o mga miyembro sa klase sa paglarawan unsay ilang nakita sa hulagway o unsay gibati nila sa hulagway Unsa nga mga baruganan sa ebanghelyo ang gitudlo sa hulagway? Unsa nga mga paggamit ang mahimo sa atong mga kinabuhi karon?

• Dapita ang mga indibidwal sa pagtan-aw sa mga litrato sa ilang mga kaugalingon. Mahimo silang mopili og duha ka mga hulagway aron pagtandi ug sa paghatag sa kalainan. Ang ilang mga pagpaniid ug mga pangutana mahitungod sa unsay ilang nakita mahimo nga modala ngadto sa mga panagsultihanay mahitungod sa mga kasulatan ug mahitungod sa mga baruganan sa ebanghelyo.