“Aisea e Suesue ai Tusitusiga Paia?” Manatu mo le Suesueina i Tusitusiga Paia (2021)
“Aisea e Suesue ai Tusitusiga Paia?” Manatu mo le Suesueina o Tusitusiga Paia
Aisea e Suesue ai Tusitusiga Paia?
Pe a tatou suesue ma le filiga i tusitusiga paia, o le a tatou latalata atu i a Iesu Keriso ma tatou maua se malamalamaaga sili i Lana talalelei ma Lana taulaga togiola. Na uunaia i tatou e le perofeta o Nifae i le auala lenei.
“O le mea lea, e tatau ai ona outou fetaomi atu i luma ma le tumau ia Keriso, ma se susulu atoatoa o le faamoemoe, ma le alofa i le Atua ma tagata uma. O le mea lea, afai tou te fetaomi atu i luma, ma taumamafa fiafia i le afioga a Keriso, ma tumau e oo i le iuga, faauta, ua faapea ona fetalai mai o le Tama: O le a outou maua le ola e faavavau” (2 Nifae 31:20).
O aoaoga mai tusitusiga paia o le a fesoasoani i ai tatou e toe foi atu ai i lo tatou Tama Faalelagi. O o tatou perofeta o aso e gata ai na saunoa mai ia tatou suesueina i taimi uma o ni tagata taitoatasi ma, soo se mea lava e faatagaina ai, o se aiga. Ua latou valaaulia i tatou ia aoao mai aafiaga o i latou oi tusitusiga paia ma faaaoga tala ma aoaoga a tusitusiga paia i o tatou olaga i le asō, e pei ona fautua mai Nifae i le 1 Nifae 19:23. Ua valaaulia i tatou e perofeta anamua ma aso nei ia tatou suesue i tusitusiga paia ma ia “taumamafa fiafia i afioga a Keriso” (2 Nifae 32:3).
Na aoao mai foi Peresitene Russell M. Nelson lenei upumoni taua e uiga i le “taumamafa” i tusitusiga paia:
“O le taumamafa o lona uiga e sili atu nai lo le na ona tofo. O le taumafa o lona uiga o le fiafia i ai. Tatou te fiafia i tusitusiga paia e ala i le suesue i ai i se agaga o mea fou matagofie ua maua atoa ma le usitai faamaoni. Pe a tatou taumamafa i afioga a Keriso, o lona uiga ua tusia ai “i papatusi maa o le loto.’ [2 Korinito 3:3]. E avea ai ia mea ma se vaega taua o o tatou natura” (“Ola i le Taitaiga Faatusitusiga Paia,” Liahona, Nov. 2000, 17).
Pe a tatou faatasi ai faifai pea i se tulaga o oe lava ma se aiga e suesueina tusitusiga paia, o le a taitaiina tatou ma o tatou aiga, puipuia, ma faamalosia e tetee atu i le tele o luitau o o tatou aso.