Ch’ol 2
Li Jesus naxk’e reheb’ li kab’laju chi tzolom aj Nefita wankilal re xk’eeb’al li maatan re li Santil Musiq’ej. Wan na 401–421 chihab’ xyo’lajik li Kristo.
1 Li raatin li Kristo, li kixye reheb’ lix tzolom, li kab’laju li kixsik’eb’ chaq ru, naq kixk’e li ruq’ sa’ xb’eeneb’—
2 Ut kixb’oqeb’ xk’ab’a’, ut kixye: Teepatz’ xk’ab’a’ li Yuwa’b’ej sa’ lin k’ab’a’, sa’ tijok rik’in nimla metz’ew, ut chirix naq keb’aanu a’in taawanq eewankil re naq ani sa’ aj b’een teek’e lee ruq’, teek’e li Santil Musiq’ej; ut sa’ lin k’ab’a’ teek’e, xb’aan naq jo’kan neke’xb’aanu lin apostol.
3 Anajwan li Kristo kixye li aatin a’in reheb’ sa’ xq’ehil li xb’een xk’utunik, ut li ch’utch’uukil tenamit ink’a’ ke’rab’i, a’b’anan eb’ li tzolom ke’rab’i, ut sa’ xb’een jo’ k’ihal ke’xk’e li ruq’eb’, kikub’e li Santil Musiq’ej.