Tusitusiga Paia
Moronae 3


Mataupu 3

E faauu e toeaina faitaulaga ma a’oa’o i le faaee atu o lima. E tusa o le 401–421 T.A.

1 O le ala na faauu ai e le au soo, o ē na ta’ua o toeaina o le ekalesia, ia faitaulaga ma a’oa’o—

2 Ina ua uma ona latou tatalo atu i le Tamā i le suafa o Keriso, sa latou faae’e o latou lima i o latou luga, ma fai atu:

3 I le suafa o Iesu Keriso ou te faauuina ai oe e avea o se faitaulaga, (ae afai o se a’oa’o, ou te faauuina ai oe e avea o se a’oa’o) e tala’i atu le salamo ma le faamagaloina o agasala e ala ia Iesu Keriso, i le tumau i le faatuatua i lona suafa e oo i le iuga. Amene.

4 Ma o le ala lenei sa latou faauu ai faitaulaga ma a’oa’o, e tusa ma meaalofa ma valaauga a le Atua i tagata; ma sa latou faauuina i latou i le mana o le Agaga Paia, lea sa ia te i latou.