Jekjōn 22
Revelesōn letok kōn Josep Smith Rikanaan eo, ilo Manchester, New York, Eprōļ 16, 1830. Revelesōn in kar letok n̄an Kabun̄ in waļo̧kin wōt jet ro rekar peptaij im rekar kōņaan kobaļo̧k ippān Kabun̄ in im jab bar peptaij.
1, Peptaij ej juon bujen eo ekāāl im ejjeļo̧k jem̧ļo̧kin; 2–4, Peptaij ko kōm̧m̧an ium̧win maron̄ eaikuji.
1 Lo, Ij ba n̄an kom̧ bwe aolep bujen ko rem̧or Iaar kōm̧m̧an bwe ren jako ilo men in; im men in ej bujen eo ekāāl im ejjeļo̧k jem̧ļo̧kin, em̧ool men eo me kar jān jinoin.
2 Kōn menin, men̄e juon armej ej peptaij jibukwi alen ejjeļo̧k tokjān n̄an e, bwe kom̧ij jab maron̄ deļo̧n̄ ilo aor erānin̄ kōn kien Moses, ak jab kōn jerbal ko ami remej.
3 Bwe ej kōn jerbal ko remej ami Iaar kōm̧m̧an bwe bujen in āliktata im kabun̄ in en ekkal n̄an Eō, em̧ool āinwōt ilo raan ko etto.
4 Kōn menin, kom̧in deļo̧n̄ ilo aor eo, āinwōt Iaar jiron̄ kom̧, im jab kappukot n̄an kapilōk ami Anij. Amen.