1 Ita maipanggep kadagiti banag nga insuratyo kaniak, nga agkunkuna, Nasayaat a di sagiden ti lalaki ti babai.

2 Nupay kasta, kunak, tapno maliklikan ti panagdederrep, mangasawa koma ti tunggal lalaki, ket mangasawa koma ti tunggal babai.

5 Saankayo koma nga agsinsina, malaksid no adda pammalubos iti ababa a panawen, tapno agayuno ken agkararagkayo iti bagbagiyo; ket agtiponkayo manen, tapno saannakayo a sulisogen ni Satanas iti panagaddayoyo.

26 Makunak ngarud a nasayaat daytoy iti agdama a panagtutuok, para iti tao nga agtalinaed a mabalinna ti agaramid iti nasaysayaat.

29 Ngem agsaoak kadakayo a naawagan iti panagserbi. Ta daytoy kunak, kakabsat, ababan ti nabati a panawen, ta maibaonkayonto nga agserbi. Uray dagiti addaan iti assawa, kasladanto awanan; ta maawagankayonto ken mapili a mangaramid iti aramid ti Apo.

30 Ket kadagitinto agsangit, a kas man la dida nagsangit; ken kadakuada nga agrag-o, a kas man la dida nagrag-o, ken kadakuada a gumatang, a kas man la awan kukuada;

31 Ken kadakuada a mangaramat iti daytoy a lubong, a kasla saan a mangaramat; ta ti pagesman daytoy a lubong lumabasto.

32 Ngem kayatko, kakabsatko, nga ipategyo ti akemyo. Kayatko a dikayo aggangganat. Ta isu a di naasawaan, isu ti agaywan kadagiti banag a kukua ti Apo, no kasano ti panamagustona iti Apo; ngarud makalasatto.

33 Ngem isu a naasawaan, aywananna dagiti banag nga adda iti lubong, no kasano ti panamagustona iti asawana; ngarud adda paggidiatanda, ta malapdanto.