PJS, Lucas 17:21 (idilig iti Lucas 17:20–21)
(Dimtengen ti pagarian ti Dios.)
21 Ket didanto met kuna, Adtoy! wenno, Adda idiay! Ta, imutektekanyo, addan ti pagarian ti Dios kadakayo.
PJS, Lucas 17:36–40 (idilig iti Lucas 17:37)
(Inlawlawag ni Jesus ti pangngarig maipanggep iti pannakaummong dagiti nalinteg.)
36 Ket simmungbatda ket kinunada kenkuana, Sadino, Apo, ti pakaipanandanto?
37 Ket kinunana kadakuada, Sadino man ti pakaummongan ti bagi; wenno, iti sabali a pannao, sadino man ti paguummongan dagiti santo, iti man pakaummonganto a sangsangkamaysa dagiti agila; wenno, iti man pakaummonganto a sangsangkamaysa dagiti mabati.
38 Daytoy ti imbagana, a nangiparipirip iti panaguummong dagiti santo; ken dagiti anghel a bumaba ken mangummong kadagiti nabati kadakuada; maysa iti idda, maysa iti paggilingan, ken maysa iti talon, sadino man nga inlistana.
39 Ta pudno nga addanto dagiti baro a langit, ken ti baro a daga, a pagindegan ti kinalinteg.
40 Ket awanto ti narugit a banag; ta lumaklakay ti daga, a kas iti pagan-anay, iti nalaus a pannakaaramatna, gapuna nga agpukawto, ket agtalinaedto a mapasanto ti tugot, a maugasan iti amin a basol.