JJS, Mateo 17:10–14. Chi’ilmanq sa’ Mateo 17:11–13
Li Jesus naxk’ut chirixeb’ wiib’ aj Elias—jun re kawresink, ut li jun re k’ojob’ank wi’chik.
10 Ut li Jesus kichaq’ok ut kixye reheb’, Laj Elias taak’ulunq xb’een wa chi yaal, ut tixk’ojob’ wi’chik chixjunil li k’a’aq re ru, jo’ ke’xtz’iib’a li profeet.
11 Ut jo’kan wi’chik laa’in ninye eere naq ak xk’ulun laj Elias, chirix li tz’iib’anb’il wi’, K’ehomaq reetal, tintaqla lin k’amol esil, ut a’an tixkawresi li b’e chiwu; ut ink’a’ ke’xnaw ru, ut ke’xb’aanu re a’an jo’ nimal li ke’raj.
12 Chi jo’kan ajwi’ li Ralal li winq tixk’ul rahilal rik’ineb’.
13 A’ut laa’in ninye eere, Ani laj Elias? K’ehomaq reetal, a’in laj Elias, li ani nintaqla chixkawresinkil li b’e chiwu.
14 Toja’ naq eb’ li tzolom ke’xtaw ru naq kiraatinaheb’ chirix laj Jwan aj Kub’sihom Ha’, ut jo’kan ajwi’ chirix jun chik li taak’ulunq ut tixk’ojob’ wi’chik chixjunil li k’a’aq re ru, jo’ tz’iib’anb’il xb’aaneb’ li profeet.