¶ 1 I HE eku tokaga ke fakamoui a Isileli, nae toki ha ae agahala a Ifalemi, bea moe agakovi a Samelia: he oku nau fai kākā; bea oku hu ki loto ae kaihaa, bea oku maumau itua e he fakataha oe kau kaihaa.

2 Bea oku ikai te nau tokaga i ho nau loto, oku ou manatu ki he e nau agakovi kotoabe: ko eni, oku kabui akinautolu e he e nau faiaga anautolu; oku i hoku ao ia.

3 Oku nau fakafiefia‘i ae tu‘i i he e nau agakovi, bea moe houeiki i he e nau gaahi loi.

4 Koe kau feauaki akinautolu kotoabe: o hage koe gotoumu kuo fakaafu e he tagata ta‘o ma, oku ne tuku ia hili ene natu ae ma, kae oua ke tubu.

5 I he aho o ho tau tu‘i kuo fakakona ia e he houeiki aki ae gaahi hina uaine; naa ne mafao hono nima moe kau manuki.

6 Kuo nau teuteu ho nau loto hage koe gotoumu, i he e nau kei lama: oku mohe i he bo kotoa e nau tagata ta‘o ma; i he bogibogi oku vela ia hage koe afi ulo.

7 Oku nau vela kotoabe hage koe gotoumu; kuo nau kai o oji e nau kau fakamāu; kuo higa ho nau gaahi tu‘i kotoabe: oku ikai ha toko taha iate kinautolu oku ui kiate au.

8 Kuo fakataha ia moe kakai a Ifalemi; koe foi ma taefokihi a Ifalemi.

9 Kuo kai hono malohi e he kau muli, ka oku ikai te ne ilo; io, koe louulu hinehina oku iate ia i heni mo ena, ka oku ikai te ne ilo ia.

10 Bea koe fielahi a Isileli, oku fakatohifo ia i hono ao: bea oku ikai te nau tafoki kia Jihova ko ho nau Otua, be kumi kiate ia i he gaahi mea ni kotoabe.

¶ 11 Oku hage foki a Ifalemi koe lube vale oku ikai hano loto: oku nau ui ki Ijibite, bea nau alu ki Asilia.

12 Oka nau ka alu teu fola hoku kubega kiate kinautolu; teu omi akinautolu ki lalo o hage koe faga manu buna oe lagi: teu tautea akinautolu, o fakatatau moe fanogo ae nau fakataha.

13 Malaia kiate kinautolu! he kuo nau hola meiate au: fakaauha akinautolu! koeuhi kuo nau talagataa kiate au: ne ogo a eku huhui akinautolu, kuo nau lea loi kiate au.

14 Bea oku ikai te nau tagi kiate au, aki ho nau loto i he e nau kaila i ho nau mohega: oku nau fakataha akinautolu ki he koane moe uaine, bea oku nau agatuu kiate au.

15 Ne ogo eku nonoo mo fakamalohi ho nau nima, ka oku nau filioi kovi kiate au.

16 Oku nau tafoki, kae ikai ki he Fugani Maoluga: oku nau hage koe kaufana kākā: e to i he heleta ho nau houeiki, koe mea i he ita a ho nau elelo; ko ho nau manuki eni i he fonua ko Ijibite.