¶ 1 BEA nae ha‘u o ofi ae houeiki tau kotoabe, mo Johanani koe foha o Kalia, bea mo Jeasania koe foha o Hosaia, bea moe kakai kotoabe mei he iki o a‘u ki he lalahi,

2 Bea naa nau lea kia Jelemaia koe balofita, Oku mau kole kiate koe, tuku ke lelei i ho ao e mau kole, bea hufia akimautolu kia Jihova ko ho Otua, koeuhi ko kimautolu kotoabe oku toe; (he koe toega toko jii akimautolu oe toko lahi, o hage koia oku ke mamata ki ai:)

3 Koeuhi ke fakaha kiate kimautolu e Jihova ko ho Otua ae hala te mau alu ai, bea moe mea te mau fai.

4 Bea behe e Jelemaia koe balofita kiate kinautolu, Kuou fanogo kiate kimoutolu; vakai, teu lotu kia Jihova ko ho mou Otua o hage ko hoo mou gaahi lea; bea e hoko o behe, koe mea kotoabe e tali ai e Jihova kiate kimoutolu, teu fakaha ia kiate kimoutolu; e ikai teu taofi ha mea meiate kimoutolu.

5 Bea naa nau toki behe kia Jelemaia, Ke iate kitautolu a Jihova koe fakamooni agatonu mo mooni, kabau e ikai te mau fai o hage koe gaahi mea kotoabe aia e fekau ai koe e Jihova ko ho Otua kiate kimautolu.

6 Kabau oku lelei ia be kovi, te mau talagofua ki he le‘o o Jihova ko ho tau Otua, aia oku mau fekau koe ki ai; koeuhi ke lelei ia kiate kimautolu, oka mau ka talagofua ki he le‘o o Jihova ko ho tau Otua.

¶ 7 Bea nae hoko o behe i he hili ae aho e hogofulu, nae hoko mai ae folofola a Jihova kia Jelemaia.

8 Bea ne ui kia Johanani koe foha o Kalia, moe houeiki tau kotoabe nae iate ia, bea moe kakai kotoabe o fai mei he iki o a‘u ki he lalahi,

9 Bea ne behe kiate kinautolu, Oku behe mai a Jihova, koe Otua o Isileli, aia naa mou fekau au ki ai ke atu hoo mou kole i hono ao;

10 Kabau oku mou loto ke nofo i he fonua ni teu laga akimoutolu bea e ikai veteki hifo akimoutolu, teu to akimoutolu bea e ikai taaki hake akimoutolu: he oku ou fakatomala i he kovi kuou fai kiate kimoutolu.

11 Bea oua naa manavahe ki he tu‘i o Babilone, aia oku mou manavahe ki ai; oku behe e Jihova, Oua naa manavahe kiate ia: he oku ou iate kimoutolu ke fakamoui akimoutolu, bea ke fakahaofi akimoutolu mei hono nima.

12 Bea teu fakaha eku gaahi aloofa kiate kimoutolu, koeuhi ke ne ofa kiate kimoutolu, bea bule kiate kimoutolu ke mou liliu ki ho mou fonua.

¶ 13 Bea kabau te mou lea o behe, E ikai te mau nofo i he fonua ni, be fai talagofua ki he le‘o o Jihova ko ho mou Otua.

14 O lea behe, E ikai; ka te mau alu ki he fonua ko Ijibite, bea e ikai te mau mamata ai ki he tau, be fanogo ki he mea lea, be fiekaia, bea te mau nofo i ai:

15 Bea koia mou fanogo ni ki he folofola a Jihova, akimoutolu ae toega o Juta; oku behe e Jihova oe gaahi kau tau, koe Otua o Isileli; Kabau, oku bau ke haga atu ho mou mata ke alu ki Ijibite, bea aunofo i ai;

16 Bea e hoko o behe, koe heleta aia naa mou manavahe ki ai, te ne tuli o ma‘u akimoutolu i he fonua ko Ijibite, bea moe hoge, aia naa mou manavahe ki ai, te ne muimui o ofi kiate kimoutolu i Ijibite, bea te mou mate i ai.

17 Bea e hoko o behe ki he kau tagata kotoabe, e fakahagatonu ho nau mata ke alu ki Ijibite ke aunofo ki ai; te nau mate i he heleta, moe hoge, bea moe mahaki fakaauha: bea e ikai toe ha toko taha iate kinautolu, be hao mei he kovi aia teu fakahoko kiate kinautolu.

18 He oku behe e Jihova oe gaahi kau tau, koe Otua o Isileli; O hage kuo liligi eku tubutamaki mo hoku houhau ki he kakai o Jelusalema; e behe hono liligi atu a hoku houhau kiate kimoutolu, oka mou ka alu ki Ijibite: bea te mou hoko koe fehianekina, moe mea fakaofo, moe fakamalaia, bea moe ogoogokovi; bea e ikai te mou toe mamata ki he botu ni.

¶ 19 Kuo folofola e Jihova kiate kimoutolu o behe, Akimoutolu ae toega kakai o Juta; Oua naa mou alu ki Ijibite: ka mou ilo fakababau kuou akonaki kiate kimoutolu i he aho ni.

20 He naa mou fai kākā i ho mou loto, i hoo mou fekau au kia Jihova ko ho mou Otua, o behe, Hufia akimautolu kia Jihova ko ho tau Otua; bea hage koe mea kotoabe oku folofola aki e Jihova ko ho tau Otua, koia e fakaha kiate kimautolu, bea te mau fai ia.

21 Bea kuou fakaha ia kiate kimoutolu i he aho ni; ka oku ikai te mou talagofua ki he le‘o o Jihova ko ho mou Otua, i ha mea e taha aia kuo ne fekau ai au kiate kimoutolu.

22 Bea koia mou ilo fakababau, te mou mate i he heleta, moe hoge, bea moe mahaki fakaauha, i he botu aia oku mou holi ke alu o aunofo ai.