¶ 1 E HOKU tuofefine mo hoku unoho, kuou ha‘u ki he eku goue: kuou tanaki a eku mula, mo eku kakala; kuou kai a eku honi bea mo hono geeji; kuou inu i he eku uaine mo eku hua huhu: E hoku kaiga, ke tau kai, bea inu, io, ke inu lahi akimoutolu oku ou ofa ai.

¶ 2 Oku ou mohe, ka oku a hoku loto: koe le‘o ia o hoku ofaaga, oku ne tukituki, o ne behe, E hoku tuofefine, mo hoku ofaaga, ko eku lube, ko eku haohaoa, too kiate au: he kuo bito hoku ulu i he hahau, mo hoku louulu i he viviku oe bouli.

3 Kuou too hoku kofu tua; bea e fefe haaku toe ai ia? kuou fufulu hoku va‘e, bea e fefe haaku toe uli‘i ia?

4 Nae ai mai ae nima o hoku ofaaga i he katuba, bea nae gau‘e hoku loto kiate ia.

5 Neu tuu hake ke too ki hoku ofaaga; bea nae to‘i mei hoku nima ae mula, bea mei hoku louhi‘i nima ae mula namu lelei, bea tafe hifo ia ki he tooaga mataba.

6 Naaku too ki hoku ofaaga; ka kuo tafoki atu a hoku ofaaga, o ne alu: nae vaivai a hoku loto i he ene lea mai: neu kumi kiate ia, ka nae ikai teu ma‘u ia; neu ui ki ai, ka nae ikai te ne tali au.

7 Bea nae ilo‘i au e he kau leo nae fealuaki i he kolo, o nau ta‘i au, beau lavea ai; bea nae too a hoku bulou e he kau leohi oe a.

8 E gaahi ofefine o Jelusalema, oku ou fekau kiate kimoutolu, oka mou ka ilo a hoku ofaaga, ke mou tala ki ai oku ou bogia i he ofa.

¶ 9 Koeha hono lelei hake o ho ofaaga i he ofaaga o ha taha kehe, akoe oku fugani hoihoifua i he kakai fefine? koeha hono lelei hake o ho ofaaga i he ofaaga o ha taha kehe, koeuhi kuo ke fekau behe ai kiate kimautolu.

10 Oku hinehina mo ganogano a hoku ofaaga, koe fugani toulekeleka ia i ha toko mano.

11 Oku tatau moe fugani koula lelei a hono ulu, oku fafatu hono louulu, bea uliuli o hage koe leveni.

12 Oku lelei ae aiaga o hono kano‘i mata, bea oku hage koe mata oe lube i he vee vaitafe kuo fufulu aki ae hua huhu.

13 Oku tatau hono kouahe moe tokaga goue oe gaahi kakala; o hage koe gaahi matala‘i kakala: oku hage koe lile a hono lougutu, oku to‘i mei ai ae mula namu kakala.

14 Oku tatau hono nima moe gaahi mama koula kuo ai ki ai ae belili, mo hono jino oku hage koe lei gigila kuo aofi aki ae safaia.

15 Oku tatau hono va‘e moe bou maka lelei, kuo fokotuu ki he tuuga koula: oku hage ko Lebanoni a hono fofoga, o tatau moe gaahi sita a hono lelei.

16 Oku melie lahi hono gutu: io, oku toulekeleka kotoabe ia. Ko hoku ofaaga eni, bea ko hoku kaiga ia, E gaahi ofefine o Jelusalema.