“Ang Lakas ng Ating Pamana,” pahina 16: Basahin ang artikulo sa inyong pamilya. Bigyang-diin ang pahayag na ito ni Elder L. Tom Perry: “Kung paano pinamulaklak ng mga pioneer ang disyerto na tulad sa isang rosas, gaganda rin ang ating buhay at pamilya kung susundan natin ang kanilang halimbawa at yayakapin ang kanilang mga tradisyon.” Isiping itanong kung paano higit na masusunod ng inyong pamilya ang halimbawang ipinakita ng mga pioneer noong araw. Maaari kayong magtapos sa pagkanta ng “Mga Banal, Halina” (Mga Himno, blg. 23).

“Pagharap sa Kinabukasan nang May Pag-asa,” pahina 35: Maaari ninyong ibuod ang kuwento tungkol kay Brother Grilo o maglahad ng personal na kuwento kung paano ninyo hinarap o ng isang kakilala ninyo ang kinabukasan nang may pag-asa. Tulungan ang mga miyembro ng pamilya na ipamuhay ang mensahe sa pagtatanong ng “Ano ang ilang hamon na nagpapahirap sa inyo na manalig sa kinabukasan? Ano ang magagawa ninyo para manatiling positibo ang inyong pananaw kapag nahaharap kayo sa mga hamong ito?” Isiping magtapos sa pagbasa sa huling dalawang talata ng artikulo.

“Ano ang Dalisay na Patotoo?” pahina 54: Simulan ang inyong aralin sa pagbabahagi ng itinuturo ng artikulo tungkol sa kung ano ang patotoo. Pagkatapos ay isiping ibuod ang mga tanong tungkol sa pagpapatotoo (tingnan sa mga pahina 56–57). Kung mahiwatigan, anyayahang magpatotoo sa isa’t isa ang mga miyembro ng pamilya sa family home evening o ipasulat ang kanilang patotoo sa kanilang journal.

“Isang Bulong ng Kabaitan,” pahina 59: Basahin ang Lucas 6:27. Pagkatapos ay ikuwento sina James at Carson, na tumitigil para pasagutan sa mga bata ang mga tanong na nasa ibaba ng unang pahina. Hikayatin ang mga miyembro ng pamilya na maging mabait sa iba.