Jōm̧ōr in Jerbal in Jipan̄

Juon jōm̧ōr iaar joļo̧k jidik iien ilo juon aelōn̄ ejjab aō jerbal ippān ro ewōr utamwe ko ilo ānbwiniier M̧okta ke iaar ioon ajri ro, ikar likkuun ikūmkūm. Ikar jab jeļā kōnono kajin eo aer, bōtaab ikar lōke bwe Jetōb enaaj tōl eō ilo aō jerbal ippāer. Ke iaar jelā kajjen kajjojo ajri, iaar kūle bwe kajin ejjab juon kapan̄pan̄ n̄an iakwe. Ikar ikkure, ettōn̄, im jin̄a ippān ajri ro im jab maron̄ dāpij ak en̄jake iakwe eo elikio n̄an er. Iaar arromeļo̧k iakwe eo an Jemedwōj Ilan̄ n̄an ro Nejin, im lan̄lōn̄ eo ejej uwaan ekar kobrak būruō.

Jabdewōt iien ij jerbal n̄an ro jet, ij en̄jake iakwe ejjab wōt n̄an ro ij jerbal n̄an er ak barāinwōt n̄an Jemedwōj Ilan̄. Em̧ōj aō lukkuun jeļā bwe ‟bwe elan̄n̄e kom̧ij jerbal n̄an armej ro ami kom̧ij jerbal wōt n̄an ami Anij” (Mosaia 2:17). Unin jerbal eo aō, men̄e ilo būrojāāk ko reļļap ak kōn jidik jerbal in jipan̄, ekar n̄an kaiboojoj Anij (lale Matu 5:16). Ij kōtmene bwe ilo aō kar jerbal n̄an ro jet, armej renaaj kūle iakwe eo aō n̄an Jemedwōj Ilan̄ im Meram eo an Kraist me ej romaak ilo n̄a.