Men ko rej Ekkejel ilo Iakwe

Kajjitōk ippān juon rūtto n̄an jipan̄ eok m̧wijiti 28 m̧ōttan peba ko raidik, kajjojo kōn 1 inij (2.5 cm) depakpak kōn 8 inij(20cm) aitok. Kajjojo raan ilo allōn̄ in, kōm̧m̧ane juon jerbal in jipan̄ n̄an kwaļo̧k am̧ iakwe n̄an juon armej. Komaron̄ jipan̄ jinōm im jem̧ōm karreoik m̧weo ak jeik juon naan in jouj n̄an juon eo ipelaakūm.

Jeje wāween am jerbal kajjojo raan ņa ioon juon iaan peba ko am raidik, innām tepe ak kōddāpe jem̧ļo̧kin peba ko ippān doon n̄an kōm̧m̧ane juon doulul. Komaron̄ kobaik doulul ko am kōn kadeļo̧n̄e jem̧ļo̧kin juon peba kāāl ilowaan doulul eo jen raan eo ļo̧k m̧okta jen am tepe ak kōddāpe jem̧ļo̧kin jabōn tata in peba eo ekāāl ippān doon. Lale men ko rej ekkejel ilo iakwe eo am an eddōk! Komaron̄ wōnmaanļo̧k wōt im barāinwōt kakobaba n̄an jerbal ko am men̄e em̧ootļo̧k Pāpode.